بەلارۋس ەلىن بيلەپ-توستەپ وتىرعان «ەۋروپاداعى ەڭ سوڭعى ديكتاتوردىڭ» مەملەكەتىمەن، رەسەي سياقتى وككۋپانت-مەملەكەتپەن ازىرگە ەكونوميكالىق سيپاتتا «وداق» بولعانىمىزدىڭ ءوزى قازاقستاننىڭ حالىقارالىق بەدەلىن جەرمەن-جەكسەن ەتەدى. «قازاقستاننىڭ قازىر رەسەيمەن كورشى» ەكەنى راس، ونى كارتادان كورىپ تە وتىرمىز: رەسەيدىڭ شەكاراسى الەمنىڭ 10 شاقتى ەلىمەن شەكتەسىپ جاتىر، سونىڭ ىشىندە بالتىق ەلدەرى، كاۆكاز ەلدەرى، مونعوليا، قىتاي، ءتىپتى سولت. كورەيا دا بار. سونىڭ ءبارى رەسەيمەن «ماڭگىلىك كورشىمىز» دەپ جار سالىپ، «وداق» قۇرىپ وتىرعان جوق.

ءبىر كەزدە قازاق جەرىنىڭ رەسەيمەن مۇلدە شەكتەسپەگەن دە كەزى بولعان. رەسەي قازاقستانمەن قالاي شەكتەسكەنىن، قالاي كورشى بولعانىن دا ەستەن شىعارمايىق: رەسەي يمپەرياسى، قازان حاندىعىن، باشقۇرت ورداسىن، نوعاي ورداسىن، استراحان حاندىعىن جانە ءسىبىر حاندىعىن جاۋلاپ الدى دا، قازاق جەرىمەن كەنەتتەن "كورشى" بولىپ شىعا كەلدى.

سوندىقتان، ەجەلدەن باسقىنشى مەملەكەتتى "قۇدايى كورشى" دەپ اسپەتتەۋدىڭ قاجەتى جوق. وزبەك، باشقۇرت، قىرعىز، تۇرىكمەن - مىنە، ەجەلدەن قۇدايى كورشىلەرىمىز. رەسەيدىڭ باسقىنشىلىق، يمپەريالىق ساياساتى بولماعاندا، ءبىز رەسەيمەن مۇلدە شەكارالاس تا بولماس ەدىك، سوندا توڭىرەگىمىزدى تۇركى ەلدەرى:نوعاي، تاتار جانە باشقۇرت ەلدەرى، ءسىبىر جۇرتى، التاي جانە تىۆا جۇرتى، شىعىس تۇركىستان، قىرعىز، وزبەك، تۇرىكمەن ەلدەرى قورشاپ جاتار ەدى.

سەرىكجان، abai.kz (comments)