جەكە-جەكە جيناقتاۋشى قورلارداعى قاراجاتتى ورتاق قازانعا توعىتۋ ارقىلى قۇرىلعان ەلىمىزدىڭ بىرىڭعاي جي­ناقتاۋشى زەينەتاقى قورىنىڭ باسى داۋعا قالدى.

ماسەلە بىلاي: بجزق جەكە جيناقتاۋشى قورلاردان قۇنى 95 ملرد. تەڭگەلىك قۇندى قاعازداردى مۇراعا الۋعا ءماجبۇر بولعان. قىزىعى الدا، بۇل قۇندى قاعازدار بانكروتتىق جاعدايدا تۇرعان كومپانيالاردىڭ اكتيۆتەرى بولىپ شىققان. وسىلايشا، مۇقىم قازاقستاندىقتاردىڭ ماڭداي تەرىمەن تاپقان ەڭبەكاقىسىنىڭ 10 پايىزدىق بولىگى «كوتەرەم كومپانيالاردىڭ» قۇنسىزدانعان ۇلەستەرىن ساتىپ الۋعا كەتكەن. دەمەك، قامسىز قارتتىعىڭىز ءۇشىن جيناپ كەلگەن زەينەتاقى جارناڭىزدى جيناقتاۋشى قورلارى جىمىسقى جولمەن جاراتىپ،  الدەبىر كۇدىكتى كومپانيانى قۇتقارۋعا وپ-وڭاي بەرە  سالىپ وتىرعان.

جالپى، بىرىڭعاي جي­ناقتاۋشى زەينەتاقى قورىنىڭ قۇرىلۋىنىڭ استارىندا باقىلاۋسىز كەتكەن جەكە قورلاردى تاۋبەسىنە ءتۇسىرۋ تۇرعانىمەن، بۇل يدەيانى جۇزەگە اسىرۋعا ىنتالى بولعان «اقىلدى باستار» كەشىگىپ قالدى... نەمەسە، بۇل ءاۋ باستان كەلىسىپ، الەۋمەتتى الداۋعا باعىتتالعان «عاسىر افەراسى» دا بولۋى ىقتيمال. ويتكەنى، جەكە جيناقتاۋشى قورلارداعى جارنالاردى ورتالىقتاندىرىلعان كەزدە ولاردىڭ اكتيۆتەرىن ۇلتتىق بانك باعالاعان بولاتىن.

سوندا الدانعان كىم: بجزق ما، ۇلتتىق بانك پە؟ مۇمكىن ميلليونداعان سالىمشىلار شىعار؟ ەڭ باستى سۇراق: قۇنى كوك تيىندىق باعالى قاعازدارعا كەتكەن حالىقتىڭ اقشاسىن قاي تاراپتىڭ كەرى قايتاراتىنى مۇلدەم جابىق تاقىرىپ بولىپ قالا بەرە مە؟

اباي.kz