ەۋروازيالىق ەكونوميكالىق وداققا بىرىككەن رەسەي، قازاقستان جانە بەلورۋس ەلدەرىنىڭ ورتاق قارجى نارىعىنان بىرقاتار شەتەلدىك ۆاليۋتالار شىعارىلۋى مۇمكىن. اتاپ ايتقاندا،  ۇشتىك وداق الداعى جىلدان باستاپ اقش دوللارى مەن ەۋرودان باس تارتۋى ىقتيمال.

بۇل ۇسىنىس ەكونوميكالىق وداق اۋماعىنداعى تولەم جۇيەسىن بىرىزدەندىرۋگە باعىتتالعان تۇجىرىمداما بويىنشا ەنگىزىلىپ وتىر. ۇسىنىس ەگەسى ­­­- رەسەي تاراپى. ەگەر بۇل ۇسىنىس قولداۋ تاباتىن بولسا، ۇلتتىق قارجى جۇيەلەرىنىڭ كەڭىستىگى قايتا قۇرىلىپ، قاتىسۋشى مەملەكەتتەردىڭ ۇلتتىق ۆاليۋتالارىنىڭ باعامىنا تەڭەستىرىلىگەن ورتاق تولەم بىرلىگىنىڭ بىرىنە باسىمدىق بەرىلەدى. ازىرگە تولەم كارتالارى ءۇشىن قولدانىلاتىن ءتيىمدى ۇلتتىق ۆاليۋتانىڭ اتى بەلگىسىز. ماماندار ورتاق تولەم ۆاليۋتاسى رەتىندە رەسەي ءرۋبلىن كورگىسى كەلەتىندىكتەرىن دە جاسىرماي وتىر.

ال، رەسەي، قازاقستان جانە بەلورۋس ەلدەرىنىڭ ورتاق قارجى نارىعىنداعى وزگەرىستەردەن كەيىن شەتەل ۆاليۋتاسىمەن تىكەلەي تولەم جاسايتىن كارتوچكالاردىڭ تۇتىنۋشىلارى ءۇشىن تاڭداۋ جاساۋعا تۋرا كەلەتىنى ايدان انىق.

اباي.kz