«اباي.kz» پورتالىنىڭ رەداكتسياسىنا حابارلاسقان وقىرمان سوڭعى كەزدەرى تۇرعىنداردى باسپانامەن قامتاماسىز ەتۋ جايىندا جاعىمدى اقپاراتتاردى جاريالاي باستاعانىمىزعا ريزاشىلىعىن ءبىلدىردى. «اسىرەسە، «قول جەتىمدى باسپانا-2020» باعدارلاماسىنا قاتىستى قازاق تىلىندەگى اقپاراتتارعا ءزارۋمىز. وسى باعدارلاماعا قاتىستى ءجيى جازساڭىزدار» دەگەن ءوتىنىش ايتتى.

ءبىز ءوز كەزەگىمىزدە ەلىمىزدەگى بىرەگەي قارجى ۇيىمى – «قازاقستاننىڭ تۇرعىن ءۇي قۇرىلىس جيناق بانكىمەن» بىرلەسىپ بارشا قازاق بالاسىنا قاجەتتى اقپاراتتاردى جاريالاۋعا ءازىرمىز.

كەرەك دەرەك:

«قازاقستاننىڭ تۇرعىن ءۇي قۇرىلىس جيناق بانكى» اق 2011-2014 جىلدارعا ارنالعان قازاقستان رەسپۋبليكاسىنداعى تۇرعىن ءۇي قۇرىلىسى باعدارلاماسىنىڭ باس وپەراتورى بولىپ تابىلادى. ال، تۇرعىن ءۇي سالۋدى جەرگىلىكتى اتقارۋشى ورگاندار جۇزەگە اسىرادى. تۇرعىن ءۇيدى ساتىپ الۋعا جيناقتاۋ جۇيەسى ارقىلى قاتىسۋعا بولادى. ياعني، «قازاقستاننىڭ تۇرعىن ءۇي قۇرىلىس جيناق بانكى» اق سالىمشىلارى ەلىمىزدىڭ كەز-كەلگەن قالاسىندا سالىنعان جاڭا پاتەرلەردى ساتىپ الا الادى.
         تۇرعىن ءۇيدىڭ تازا ارلەنگەن 1 شارشى مەتر ءۇشىن باعاسى:
             • الماتى قالاسى - 142 500 تەڭگە
             • استانا جانە اقتاۋ قالالارى – 112 500 تەڭگە
             • باسقا ايماقتاردا - 90 000 تەڭگە