رەسەيدىڭ ساياساتكەرى البەرت كوحتىڭ ءتۇپ-تامىرى قازاقستاننان. قاراعاندىنىكى. اتاسىنىڭ اڭگىمەلەرىنەن  كىتاپ  شىعارىپ ەدى. كولحوزداستىرۋ كەزىندە، قاراعاندى دا بۇكىل مالدى تەمىرجول ستانتسياسىنىڭ جانىنا جيىپتى. وعان قازاقتاردى جولاتپايدى. ءوز مالىنا. ستانتسيادان جارتى شاقىرىم جەردە قازاقتار اشتان قىرىلىپ جاتىر، دەيدى. ول بايعۇستارعا قالاعا دا كارانتين قويىپ تاستاعان. ءسويتىپ، ءوزىنىڭ  ءتىرى مالى تۇرىپ، قازاق قىرىلىپ جاتىر، ۋاقىتىندا سوستاۆ كەلمەي، كۇتىمى جوق مال دا قىرىلىپتى. وسىلايشا ء  بىر ايدىڭ شەگىندە  قازاق ءوز جانىنان دا، مالىنان دا ايىرىلعان. بۇگىندە وسىعان ۇقساستاۋ ءبىر ماسەلە قىلاڭ بەرىپ تۇر. اڭگىمە ناننىڭ باعاسىنا قاتىستى.

ناننىڭ باعاسىن 30 تەڭگەگە وسىرەمىز،- دەيدى جوعارى جاق. قالادا بولسىن اۋىلدا بولسىن، جۇتاڭ تۇراتىن قازاق. ەسەپتەپ قاراساڭ، جۇتاڭ تۇراتىن جانۇيا كۇنىنە ەكى نان جەيدى، 600-ءدى  30-عا كوبەيتىڭىز – ايىنا 18 000 تگ. ەلىمىزدەگى ءومىر ءسۇرۋدىڭ تومەنگى دەڭگەيى 18 660 تگ ەكەن. سوندا حالىقتىڭ باسىم كوپشىلىگى ايىنا 660 تەڭگەمەن ءومىر ءسۇرۋى كەرەك پە؟

دەپۋتات ا. قوڭىروۆ، باسقا دەپۋتتارتتار سياقتى ايىنا 500 000 تەڭگەنىڭ ار جاق، بەر جاعىندا جالاقى الادى. ارينە ونىڭ كۇنىنە 10 نان الۋعا جاعدايى بار! سپيكەر ق.جاقىپوۆقا دۇعاي سالەم. وسى دەپۋتاتتىڭ ءبىر ايلىق جالاقىسىن 18 660 تەڭگە ەتىپ قويسا قالاي بولار ەكەن؟ ەڭ بولماسا، ويلانىپ سويلەيتىن بولار؟!

بۇل ءوزى كوممۋنيست قوي، كامبودجا دەگەن ەلدە، 1970 جىلدارى،  پول-پوت دەگەن كوممۋنيست ءبىر جىلدا كوممۋنيزم ورناتامىن دەپ،    حالقىنىڭ 65 پايىزىن قىرىپ تاستاعان.

30 جىلدارى مالمەن ەكسپەريمەنت جاساعان ءتارىزدى، بۇگىن نانمەن ەكسپەريمەنت جاسايمىز دەپ، دۇنيەدەگى ەڭ   بيدايلى  ەل بولا تۇرىپ، ەلدى، قازاقتى قىرىپ تاستاپ  جۇرمەيىك، ايتەۋىر!

Abai.kz