تۇركيانىڭ spor.mynet.com سايتى ءوز وقىرماندارىنا ءسۇيىنشىلى حابار جەتكىزىپ وتىر. ولاردىڭ جازۋىنشا، ءبىزدىڭ «سامۇرىق-قازىنا» ءال-اۋقات قورى تۇركيانىڭ «گالاتاساراي» فۋتبول كومانداسىنا 40 ميلليون ەۋرو بەرەتىن كورىنەدى.

«كلۋب فورماسىنىڭ توسبەلگىسىندەگى جارنامانىڭ كاسساعا اكەلەتىن قارجىسى 40 ميلليون ەۋرو بولماق»، - دەپ جازادى spor.mynet.com.

ايتا كەتەرلىگى، وسىعان دەيىن «گالاتاساراي» كومانداسىنىڭ باسىنان داۋ ارىلماي كەلىپتى. اتالعان سايتتىڭ حابارلاۋىنشا، قارىزعا بەلشەسىنەن باتقان كوماندا قازاقستاندىق «سامۇرىق-قازىنا» ءال-اۋقات قورىمەن عانا ءال جينايتىن سياقتى. «شەكەربانك» ارقىلى جاسالعان كەلىسىم 5 جىلعا بەلگىلەنىپ، العاشقى تولەم 2015 جىلدىڭ باسىندا جاسالاتىن بولىپتى. 

P.S.

سونىمەن ەلىمىزدىڭ باس ءال-اۋقات قورى "سامۇرىق-قازىنا" باسىنان داۋ ارىلماي كەلە جاتقان تۇرىكتىڭ فۋتبول كلۋبىنا 40 ميلليون ەۋرو بەرەتىن بولىپ جاتىر. نە ءۇشىن؟

Abai.kz