وتاندىق نارىقتاعى حالال ونىمدەرىنە قاتىستى الىپ-قاشپا اڭگىمە وسى سالادا ەڭبەك ەتىپ وتىرعان كاسىپورىنداردىڭ بەدەلىنە نۇقسان كەلتىرۋ ءۇشىن ويدان شىعارىلعان جالا بولۋى مۇمكىن...

جاقىندا بۇقارالىق اقپارات قۇرالدارىندا قازاقستاندا جاسالعان وىنىمدەردىڭ حالال ستاندارتتارىنا مۇلدەم سايكەس كەلمەيتىندىگى جايلى اقپارات تاراعان ەدى. ءتىپتى، «بابا ءداستۇرىنىڭ مۇراگەرلەرى » قوعامدىق قورىنىڭ باسشىسى ارمانعازى مۇراتوۆ دۇكەن سورەلەرىندەگى بارلىق حالال ونىمدەرىنىڭ جاساندى جولمەن اكەلىنەتىنىن، ونىڭ زاڭ تالاپتارىنا سايكەس شىعارىلمايتىنىن ايتىپ، مالىمدەمە تاراتقان بولاتىن.

وسىعان وراي، وتاندىق تۇتىنۋشىلاردى ءوز تاۋارالارىمەن قامتاماسىز ەتىپ وتىرعان «باقارا» ساۋدا بەلگىسىنىڭ يەسى «استانا اگروپرودۋكت» جشس ءوز الاڭداۋشىلىعىن ءبىلدىردى. ويتكەنى بۇل ساۋدا بەلگىسى تاماق ونەركاسىبى نارىعىنداعى باسەكەگە قابىلەتتى ءوندىرىس وشاعى بولىپ تابىلادى. جانە وندىرگەن ونىمدەرىنە دەگەن سۇرانىس تا جوعارى.

– باسپاسوزدە ايتىلعان مالىمدەمەمەن كەلىسۋ قيىن. بىرىنشىدەن، بۇل ايىپتاۋلاردىڭ ناقتى دالەلى جوق، كەيبىر باق ءبىزدىڭ ونىمدەردىڭ سۋرەتتەرىن ينتەرنەتتەن كوشىرىپ قانا العانعا ۇقسايدى. وندا ءونىمنىڭ ساپاسى تۋرالى ەمەس، ءوندىرۋشى كومپانيانىڭ اتى عانا بادىرايىپ كورسەتىلگەن. دەمەك، وسى ارەكەتتەر تارقىلى «باقارا» ساۋدا بەلگىسىنىڭ تۇتىنۋشىلار الدىنداعى ابىرويىنا نۇقسان كەلتىرىپ، ءبىزدى نارىقتان ىعىستىرىپ شىعارۋعا تىرىساتىنداردىڭ بار ەكەنى بەلگىلى بولدى. ءبىز ءوز ونىمدەرىمىزدىنىڭ ساپاسىنا، تەحنولوگياسىنا تولىق جاۋاپ بەرەمىز. تۇتىنۋشىلار كوڭىلىندەگى كۇدىكتى سەيىلتۋ ءۇشىن، وتە جوعارى دەڭگەيدەگى تەكسەرىستەرگە دايىنبىز جانە بارلىق ەكسپەرتيزا «باقارا» ونىمدەرىنەن كىنارات تابا الماسىنا كەپىلدىك بەرەمىز، - دەيدى «استانا اگروپرودۋكت» جشس ديرەكتورى سەرىك راحىمباەۆ.

وسى ءوندىرىس ورىنى قونىس تەپكەن اقمولا وبلىسى، قورعالجىن اۋدانىنىڭ اكىمى قايرى رىسكەلدينوۆ تا «استانا اگروپرودۋكت» سەرىكتەستىگىنىڭ جۇمىسىنان ەشقانداي زاڭ بۇزۋشىلىق تابىلماعانىن ايتادى.

– ولاردىڭ شۇجىق تسەحىندا ءونىمنىڭ حالال ستاندارتتارىنا سايكەستىگىن انىقتايتىن ينسپەكتور جۇمىس جاسايدى. شيكىزات جەرگىلىكتى ەت وندىرۋشىلەردىكى. مال ەتىنىڭ حالال، سانيتارلىق تالاپتارعا ساي دايىندالاتىنىن ارنايى ماماندار كۋالاندىرادى. سوندىقتان، «باقارا» ساۋدا بەلگىسىنىڭ حالال ستاندارتتارى تالاپتارىنا سايكەستىگىنە تولىق سەنىمدىمىن، - دەيدى اۋدان اكىمى.

ال، «باقارا» شۇجىقتارىنىڭ كوپ جىلدان بەرگى تۇتىنۋشىسى، «اقمولا» قايىرىمدىلىق مەكەمەسىنىڭ ديرەكتورى بايداۋلەت باياتاردىڭ پىكىرىنشە، «استانا اگروپرودۋكت» كومپانياسىنىڭ ءونىمى وڭىردەگى عانا ەمەس، وتاندىق نارىقتاعى حالال تالاپتارىنا تولىق سايكەس كەلەدى ەكەن

– ءبىز ولاردىڭ ونىمدەرىنە تاپسىرىس بەرمەس بۇرىن، ءوندىرىستى ءوز كوزىمىزبەن كورىپ، جاسالاتىن جۇمىستاردىڭ حالال تالاپتارىنا سايكەستىگىنە كوز جەتكىزگەنبىز. مۇنداي تازالىقتى جانە سايكەستىكتى باسقا جەردەن تابۋ قيىن، سوندىقتان مەن «باقاراعا» تاڭىلعان ايىپتى جالا دەپ بىلەمىن، - دەيدى بايداۋلەت باياتار.

ايتپاقشى، جوعارىدا ايتىلعان قوعامدىق قور تاراتقان مالىمەتتەردە شۇجىقتاردىڭ قۇرامىنداعى قوسپالاردى انىقتاۋ ماقساتىندا جۇرگىزىلگەن تەكسەرىستە 150 ءتۇرلى ءونىمنىڭ تەك ون ءتورتى عانا حالال تالابىنا سايكەس كەلىپ، قالعاندارىنان شوشقا ەتىنىڭ قۇرامى انىقتالعانى ايتىلعان بولاتىن.وسى جەردە قوعامدىق قور وكىلدەرى اسىعىس مالىمدەمە تاراتقان سىڭايلى. ويتكەنى، تەكسەرۋگە الىنعان شۇجىق ونىمدەرىنىڭ كوپشىلىگى رەسەيدەن تاسىمالداناتىن ونىمدەر بولۋى مۇمكىن.

– حالال تاقىرىبى وتە نازىك ماسەلە، - دەيدى بۇل تۋرالى قازاق تاعامتانۋ اكادەمياسىنىڭ كەڭەسشىسى وڭعار داۋىلباەۆ، - سەبەبى، حالال ستاندارتتارىن تەك دايىن ءونىم كۇيىندە انىقتاۋعا بولمايدى. ول، شيكىزاتتان باستاپ، جۇمىس تەحنولوگياسىنىڭ سايكەستىگىنە دەيىن انىقتالادى. سول سەبەپتەن، وتاندىق ونىمدەردىڭ تالاپقا سايكەستىگى تاسىمالداناتىن ونىمدەرگە قاراعاندا جوعارى ءارى سەنىمدى.

سونداي-اق، حالال ستاندارتتارىنا قاتىستى ءوز پىكىرىن بىلدىرگەن قازاقستان مۇسىلماندارى ءدىنىي بىلەستىگى جانىنداعى حالال ستاندارتتارى ءبولىمىنىڭ مەڭگەرۋشىسى بەيبىت مىرزاگەلدينوۆ:

– بۇل ماسەلەگە ءبىر جاقتى قاراۋعا بولمايدى. قازىر ەلىمىزدە ءونىمنىڭ تولىقتاي تالاپقا سايكەستىگىن انىقتايتىنداي ستاندارتتار ءالى دە جوق. قمدب وسىنى قولعا الىپ جاتىر، جاقىن كۇندەرى ول جۇيە قولدانىسقا ەنگىزىلەدى. سول كەزدە ءبىزدىڭ ايماقتارداعى وكىل يمامدارىمىزدىڭ قاتىسۋىمەن حالال ونىمدەردىڭ قانشالىقتى تالاپقا ساي ەكەندىگىنە كوز جەتكىزىپ، كەپىلدىك بەرەتىن بولامىز.

انىقتاما ءۇشىن:

«حالال» تەرمينى قازاق تىلىنە اۋدارعاندا «رۇقسات ەتىلگەن»، «تىيىم سالىنباعان»، «ماقۇلدانعان» دەگەن ماعىنالاردى بىلدىرەدى. سونداي-اق «حالال» - «شاريعات بويىنشا جاساۋعا بولادى» دەگەن ناقتى ءدىني ۇكىمنىڭ اتاۋى.

Abai.kz