كەلەسى وقۋ جىلىنان باستاپ بايقوڭىرداعى التى قازاق مەكتەبىقازاقستاندىق ءبىلىم ستاندارتتارى بويىنشا وقيتىن بولادى. بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا قىزىلوردا وبلىسىنىڭ اكىمى قىرىمبەك كوشەرباەۆ  وسىلاي مالىمدەدى. بۇل تۋرالى bnews.kz سىلتەمە جاساي وتىرىپ، nur.kz سايتى جازادى.   حابارلايدى.

 "يا، بايقوڭىردا قازاقستان بالالارى وقيتىن التى مەكتەپ بار. ولار قازاقستاننىڭ ءبىلىم ستاندارتى ەمەس، رەسەيدىڭ ءبىلىم ستاندارتى بويىنشا ءبىلىم الدى. قازاقتىڭ بالالارى قازاق مەكتەبىندە كىتاپ بەتىن اشادى دا، "پرەزيدەنتىم پۋتين" دەيدى. ەرتەڭ ولار قانداي ازامات، قانداي پاتريوت بولادى دەپ ايتا الامىز؟", - دەدى قىرىمبەك كوشەرباەۆ.

اكىم  وسى مەكتەپتەردى  بىتىرگەن قازاق وقۋشىلارى ءبىزدىڭ ۇلتتىق بىرىڭعاي تەستىلەۋگە قاتىسا المايتىنىن، سوندىقتان، ءبىزدىڭ جوعارعى وقۋ ورىندارىنا تۇسە الماي قينالىپ جۇرگەنىن ايتتى.

ياعني، ولاردىڭ قازاقستان رەسپۋبليكاسىنىڭ ازاماتى رەتىندەگى زاڭدى قۇقىقتارىنا شەكتەۋ قويىلعان.

"سوندىقتان، ەكى ەلدىڭ ءبىلىم مينيسترلىكتەرى ۇكىمەتارالىق كەلىسىم جۇرگىزدى. بۇعان دەيىن ايتقانىمداي، وسى ايدا بايقوڭىردا ۇكىمەتارالىق وتىرىس وتەدى، سول وتىرىس بارىسىندا بۇل ماسەلە دە ءوز شەشىمىن تابادى. امانشىلىق بولسا، 2015 جىلدىڭ 1 قىركۇيەگىنەن بايقوڭىرداعى التى قازاق مەكتەبى قازاقستاندىق ءبىلىم بەرۋ ستاندارتىنا كوشەدى",-دەپ تولىقتىردى اكىم.

دەرەككوز: nur.kz