اقمولا وبلىسى، قوياندى اۋىلىنداعى جاعداي تاعى دا ۋشىعا ءتۇستى. بۇگىن شەنەۋنىكتەرمەن بەتپە-بەت كەلىپ جۇرگەن بەلسەندى ازامات گۇلىسحان دومالايقىزىنىڭ ۇيىندەگى پەش جارىلىپ، بالا-شاعاسىن تەك پەرىشتە قاعىپ، امان قالدى، حابارلايدى 31 ارنانىڭ ينفوربيۋرو جاڭالىقتار قىزمەتى.

ۆيدەودان الىنعان سكرينشوت: گۇلىسحان دومالايقىزىنىڭ بالاسى

جوعارىدا ينفوربيۋرو جاڭالىقتار قىزمەتىنىڭ youtube ۆيدەو جەلىسىندە جاريالانعان ۆيدەوسىن بەرىپ وتىرمىز.

اقمولا وبلىسى، تسەلينوگراد اۋدانى, قوياندى اۋىلىنداعى وقيعا الەۋمەتتىك جەلىلەردە قىزۋ تالقىعا ءتۇسىپ، بەلگىلى ساياساتتانۋشىلار مەن كوشى-قون ماسەلەسىن كوتەرىپ جۇرگەن ازاماتتاردىڭ نارازىلىعىن تۋدىردى.

ايدوس سارىم، ساياساتتانۋشى: اقمولانىڭ شەكپەندىلەرى يت پە كىم ءوزى؟

«قوياندى اۋىلىنداعى بەتپاقتىعى اناۋ، ەندى قازاق ماسەلەسىن ايتىپ، شىرىلداپ جۇرگەن كۇلىسحان زامانداسىمىزدى، ونىڭ ءۇش بالاپانىن، ءۇيىن جارىپ، ورتەۋگە كوشكەن بە؟
ەگەر جاقىن ارادا وسى قىلمىستى جاساعان ادامدار ۇستالىپ، جازاسىن الماسا، ونى ۇيىمداستىرعان، دەم بەرگەن كۋلاگين باستاعان جەرگىلىكتى بيلىك دەپ ءتۇسىنۋ كەرەك!
31-ءدىڭ جاڭالىقتارىن قاراڭىزدار! ماسقارا عوي!»

facebook.com/aidos.sarym

ەرلان سايروۆ، ساياساتتانۋشى: مىنالاردىڭ ىستەپ وتىرعانى - ۇركىتۋ 

«بۇلار، وسى ورالماندى ابدەن شارشاتىپ ءبىتتى. ەرتەڭ ءبىر نارسە بولىپ كەتسە، ەلدى كىم قورعايدى ەي؟ قازىرگى گەوساياسي جاعدايدا ولاردى كەرىسىنشە جالىنىپ وتىرىپ كوشىرىپ الۋ قاجەت. سولتۇستىك وبلىستار بار، پاۆلودار، وسكەمەن بار.ولاردى قازاقپەن تولتىرماسا، ءبىتتى دەگەن ءسوز،وقىس بولۋى ىقتيمال. ال مىنالاردىڭ ىستەپ وتىرعانى، ۇركىتۋ. الدىندا م. جولداسبەكوۆ دەگەن ءبىر دانىشپان كوشپەڭدەر دەپ جىلاپ وتىرىپ الىپ ەدى، ەندى مىنا ماسەلە. قىتايدان كەلگەن قازاقتار، ءار قايسىسى جىلىنا سول قىتايدان 20 000 دوللار اكەلەدى.ال ورالمانداردىڭ سانى وسى كەزدە 1 ملن استى. ەسەپتەپ كورىڭىز ەندى ولاردىڭ مادەني ۇلەسى باسقا اڭگىمە. ال ءبىز ولارعا ورالمان دەگەن ات بەردىك، قايدا جۇرسە رەنجىتىپ قويامىز.. شەتتە 5 ملن استام قازاق ءجۇر ولاردىڭ 70 پايىزىن اكەلسەك باسقا دا ىشكى تۇتىنۋ دەگەن ەكونوميكالىق ماسەلەنى شەشەمىز. مۇنايدىڭ باعاسى ءتۇسىپ كەلەدى. بۇرىنعى جەڭىل اقشا بولمايدى دەگەن ءسوز.تە قانا ىشكى تۇتىنۋ ەكونوميكانى ۇستاپ تۇرا الادى. بۇل - اكسيوما.وسىنى ۇقپايتىن قازاعىم اۋ، ايتەۋىر...»

facebook.com/e.sairov

اۋىت مۇقيبەك، اقىن: بۇل سۇمدىق وقيعا! 

«بۇل شىنىمەن دە سۇمدىق وقيعا! قاساقانا جاسالعان قىلمىس! 
ۇكىمەت بۇعان باسا نازار اۋدارعانى ءجون! 
اقپارات قۇرالدارىنىڭ ايتۋىنا قاراعاندا "جەر داۋىن" تەك قانداستارىمىزعا عانا جابۋ ءبىر جاقتىلىق بولادى. 
قايتالاپ ايتايىن، ىرگەسىندەگى بوس جاتقان جەردى ءبولىسىپ اپ، بىرەۋلەر ءۇي سالىپ جاتقاندا، جەرگىلىكتى بيلىك قايدا قاراپ وتىرعان؟! 
سوسىن، جەرگىلىكتى بيلىكتىڭ قولىندا ورالمانداردىڭ تۇرعىزىپ العان سول باسپانالارىن كۇرەپ تاستاۋعا شىعارعان سوتتىڭ شەشىمى بار ما ەكەن؟!، 
ەكىنشى ءبىر جاعىنان، بۇل قازاق كوشى قايتا جانداندىرۋعا قارسى كۇشتەردىڭ ادەيى جاساعان ارانداتۋى، شەتتەن كەلگىسى كەلىپ وتىرعان جۇرتتى تىكسىندىرۋى دە بولۋ مۇمكىن! مۇنىمەن ولار ەشكىمدى دە قورقىتا المايدى!
سوندىقتان كارىم ءماسىموۆ تەز ارادا ۇكىمەتتىك كويسسيا قۇرىپ، تەكسەرتۋى، ءىستىڭ اق قاراسىن اجىراتۋى كەرەك!»

facebook.com/oimanbulak 

دايىنداعان - QJ