سوڭعى كەزدەرى عالامتوردا تۇرمىس-جايىنىڭ، دەنساۋلىعىنىڭ ناشارلىعىن ايتىپ كومەك سۇرايتىن جالىنىشتى حاتتار ءجيى ۇشىراسۋدا. بۇنى بىرەۋلەر الدەكىمدەردىڭ اقشا تابۋ ءۇشىن جاساپ جۇرگەن ايلاسى دەسە، بىرەۋلەر جاعدايىن ايتىپ اعايىننان جىلۋ ىزدەگەن جانعا كومەكتەسىپ جاتادى. سونداي حاتتىڭ ءبىرى ءبىزدىڭ ەلەتروندى پوشتامىزعا دا كەلىپ تۇسكەن ەكەن. ءوزىن بەكمۇراتوۆا ايسۇلۋ دەپ تانىستىرعان حات يەسى بانكتەگى سچەتى مەن ۇيالى تەلەفونىن دا جازىپ جىبەرىپتى. ايسۇلۋدىڭ حاتىن بىزگە كۋنيكەەۆ ايدىن داۋلەتۇلى دەگەن ازامات جولداپ وتىر. حاتتى قاز-قالپىندا بەرىپ وتىرمىز.

سالاماتسىڭدار ما قۇرمەتتى وقىرماندار!

مەن كۋنيكەەۆ ايدىن داۋلەتۇلى، ءبىر انامىزدىڭ زارىن جازىپ وتىرمىن. ول كىسىگە كومەك كەرەك بولىپ وتىر. بۇل كىسىنى ءوزىم سايتتاردىڭ بىرىندە تاپقان بولاتىنمىن، بارىنشا كومەكتەسۋگە تىرىسىپ جاتىرمىن.

"مەن قىزىلوردا قالاسىنىڭ تۇرعىنى بەكمۋراتوۆا ايسۋلۋ بولامىن. ءبىراز بولدى مەنىڭ باسىما قيىندىق تۇسكەنىنە، جان جارىم مەن ۇلىم جول اپاتىنان قازا بولعاننان كەيىن، جالعىز قىزىممەن قالدىم. تۇراقتى تۇراتىن جەرىمىز جوق، تۇراقتى جۇمىس ورنىم جوق. قىزىمنىڭ ارى-بەرى جۇرۋدەن دەنساۋلىعى دا ناشارلاپ كەتتى. قىزىمنىڭ جاعدايىن جاسايمىن دەپ كوپ كىسىگە كىرىپ شىقتىم، كوبىسى كومەكتەستى، ولارعا اللاھ رازى بولسىن.

وسىلارعا قاتار قالا اكىمى نۇرلىبەك نالىباەۆقا كىردىم. ۋادە ەتتى، 50 مىڭ قاراجات الىپ بەرەمىن دەپ. سونىڭ 25 مىڭىن الدىم. ءوزىم 2 ايعا تەگىن جۇمىس ىستەپ جاتىرمىن.

قازىر قىزىمنىڭ اۋرۋى اسقىنىپ باسقا قالادا اۋرۋحانادا جاتىر، الىپ كەتىڭىز دەپ بولماي جاتىر. ءوزىم-اق قىزىمدى الىپ كەلەر ەدىم ەشكىمگە جالىنباي، قاراجاتتىڭ جوقتىعى قيىنداتىپ تۇر. سۆەتكە تولەيمىن با، سۋعا تولەيمىن با، الدە گاز باللون الامىن با، قايسىسىنا جەتكىزەمىن. ءوزىمنىڭ دەنساۋلىعىم بولماي ءجۇر. قارىزعا بەلشەدەن باتتىم. نە ىشەرگە جارىمايمىن، نە كيەرگە جارىمايمىن. شىركىن-اي بالام ءتىرى قالعاندا ەشكىمگە جالىنباس ەدىم. جۇمىس ىستەپ، بىزگە كومەكتەسەر ەدى. قايتەيىن قولىمنان نە كەلەدى. بىلاي تارتسام بىلاي جەتپەيدى. كوزىمنىڭ جانارى دا كەتىپ بارا جاتىر. جىلاي-جىلاي كوزىمدە دۇرىس كورمەي بارا جاتىر. قىزىم اۋىرىپ جاتىر. ەشكىمنەن كومەك بولمادى. ءبىر پەرزەنتىم عوي ارتىمنان ەرگەن، ءبىر تۇياعىم. وسى قىزىم جازىلىپ كەتسە ەكەن، اللادان وسىنى تىلەيمىن. قىزىمنىڭ استما اۋرۋى سۋدرگىگە اينالدى، وعان وكپەسى قوسىلدى. جوقشىلىقتىڭ بەلگىسى عوي. ەل قاتارلى تاماق ءىشىپ، ۆيتامين جەسە مۇنداي بولماس ەدى. جوقشىلىق جاندى قينايدى. سىزدەردەن وتىنەرىم، حالايىق قىزىما قول ۇشىن بەرەدى دەگەن ويدامىن. وسى ەۆرازيالىق بانك سچەتىما اۋدارساڭىزدار بولادى "KZ73948KZT021040009 بانك ارالىق اۋدارمالار" جانە "KZ6894820لياە22040011 بانك ىشىندەگى اۋ-دارمالار". جانە مەنىڭ ۇيالى تەلەفونىما حابارلاسساڭىزدار بولادى: 8-778-609-3433. ەشكىمنەن پالەن بەر دەپ سۇرامايمىن.  حالىقتىڭ بەرگەنىن الامىن. سونى شۇكىرشىلىك قىلامىن. بارىنا بەرەكە، قاناعات. انالىق مەيىرىممەن سىزدەرگە راحمەتىمدى ايتار ەدىم. جانىم قىسىلعاسىن وسى حاتتى جازىپ وتىرمىن. ايىپ ەتپەڭىزدەرشى. سىزدەردەن وتىنەرىم."

 Abai.kz