"قۇرمەتتى Abai.kz رەداكتسياسى! تاۋەلسىزدىگىمىزدىڭ باستى جاۋى - جەمقورلىق، ادىلەتسىزدىكپەن بىرگە كۇرەسۋ ءبارىمىزدىڭ مىندەتىمىز. بۇل ماقالادا دا ناقتى دايەكتەر كەلتىردىك. بۇل دەرەكتەردى ءتىپتى پرەزيدەنتى اكىمشىلىگىنە دەيىن جازىپ ەدىك بىراق ناتيجە جوق، ەندى بۇكىل ەل ءبىلسىن دەگەن نيەتپەن تاعى ماقالا عىپ جازدىم وزدەرىڭىزگە. ءوز وقىرمانىن تابارىنا سەنەمىز. اقتوبە اۋىلى تۇرعىندارىنان".

جامبىل وبلىسى، شۋ اۋدانى، اقتوبە اۋىلىنىڭ اكىمى ب.بايداۋلەتوۆ تۋرالى از ايتىلىپ جۇرگەن جوق. مەن كوپ جىلدار بويى شۋ اۋدانى، اقتوبە اۋىلىنداعى ق.ساتباەۆ مەكتەبىندە ۇستاز بولىپ، زەينەتكە شىقتىم. سول ۋاقىتتا قازىرگى اۋىل اكىمى ب.بايداۋلەتوۆ مەنىڭ وقۋشىم بولعان. ءوزىنىڭ اتى-ءجونىن ارەڭ جازىپ جۇرگەن ءبىلىمسىز ب.بايداۋلەتوۆ قازىر اۋىلدىڭ اكىمى. مەن ونىڭ اكىم بولعانىنا ەش داۋىم جوق، بىراق اۋىل حالقىنا، اۋىل تۇرعىندارىنا كەرى اسەر ەتۋدە. اۋىلدا مەكتەپ وقۋشىلارىنىڭ ءوزى: «نەسىنە ساباق وقىپ باسىمىزدى قاتىرامىز، دىمدى بىلمەيتىن، ءوز اتىن جازا المايتىن ب.بايداۋلەتوۆ تە اكىم بولىپ وتىر عوي، ءبىز دە سول سەكىلدى ءبارىن ساتىپ الامىز، قازىر زامان بىلىمدىنىكى ەمەس، تەك اقشانىكى» دەپ وقۋعا، بىلىمگە دەگەن ىنتا-جىگەرلەرىن جويۋدا. مىنە وسىنىڭ ءوزى پاراقورلىق جايلاعان وسى زاماننىڭ ۇلت بولاشاعىنا قالاي كەرى اسەر ەتىپ وتىرعاندىعىن اڭعارتپايدى ما؟!

ءبىزدىڭ قوعام قالاي العا باسىپ، الەمدەگى ەڭ دامىعان 30 ەلدىڭ قاتارىنا ەنەدى، ەگەر دە ءبىلىمسىز ب.بايداۋلەتوۆ سەكىلدىلەر ەل باسقارسا؟! جاستارعا ۇلگى بولسا؟!

ق.ساتباەۆ مەكتەبىنىڭ سول ۋاقىتتاعى ديرەكتورى بولعان ح.نۇرعاليەۆ جانە ەكى ورىنباسارلارى ب.جانتاەۆ، م.احمەتجانوۆتاردىڭ قولدارى قويىلعان  انىقتاما ب.بايداۋلەتوۆتىڭ مەكتەپتە قالاي وقىعاندىعىن دالەلدەسە كەرەك. بۇل انىقتاما ب.بايداۋلەتوۆتىڭ اكەسى جۇمابەك بايداۋلەتوۆكە جازىلعان. جانە انىقتامادا «بايداۋلەوۆ الەشكا» دەلىنگەن. اۋىل حالقى باعلان بايداۋلەتوۆتى «الەشكا» دەپ كەتكەن. سوندىقتان دا وسىلاي جازىلعان. ءتىپتى بۇل انىقتامادا ب.بايداۋلەتوۆتىڭ مەكتەپتىڭ مۇلكىن ۇرلاعاندىعى انىق جازىلعان. ب.بايداۋلەتوۆ وسى ۇرلىعىن ءالى كۇنگە دەيىن قويعان جوق. ءوزى اكىم بولىپ وتىرعان قازىرگى ۋاقىتتا مەملەكەت مۇلكىنە قول سالۋدا. ياعني مەملەكەت قاراجاتىن زاڭسىز جولدارمەن جىمقىرۋدا. ونىڭ ءبىر دالەلى ب.بايداۋلەتوۆ ءوزىنىڭ قىزمەتتىك كۋالىگىن شۋ قالاسىنداعى «ۇلار» قوناق ۇيىنە كەپىلگە تاستاپ، مەملەكەت قاراجاتىن جىمقىرۋ ءۇشىن قوناق ۇيدەن زاڭسىز قۇجاتتار جاساتقان. وعان  ب.بايداۋلەتوۆتىڭ قىزمەتتىك كۋالىگى كوشىرمەسى مەن  اۋديو جازبالار دالەل بولا الادى. اۋديو جازبادا «ۇلار» قوناق ءۇيىنىڭ اكىمشىسى اشىركۇل شۋراتباەۆا اكىم ب.بايداۋلەتوۆكە جالعان قۇجات جاساپ بەرگەندىگىن ءوزى بايانداپ بەرەدى.

 باياعىدا كەڭەس كەزىندە اقتوبە اۋىلىنداعى (سول ۋاقىتتاعى اۋىل اتاۋى: كوممۋنيزم) دۇكەندە ساتۋشى بولعان بالۋان دەگەن ءبىر اعامىز 20 تيىن جەگەنى ءۇشىن ەكى جىلعا سوتتالىپ كەتكەندىگىنە بۇكىل اۋىل كۋا بولعان ەدى. مەن بۇل جەردە باياعى زاماندى اڭساپ وتىرعام جوق، تەك سول كەزدىڭ تارتىبىنە قايران قالام. ال، قازىر اكىم ب.بايداۋلەوۆ ءوز ءىنىسى ن.بايداۋلەتوۆكە زاڭسىز ايلىق جازىپ، مەملەكەت مۇلكىنە زالال كەلتىرسە دە ءالى ءبىر جازاسىن الماي اكىم بولىپ وتىرعانىنا تاڭىم بار... 

 سونداي-اق ب.بايداۋلەوۆ اتا زاڭىمىزدا ەرەكشە قورعالعان، قر تاۋەلسىزدىگىنىڭ باستى نىشانى – قر تۋىن قورلاۋدا. قاشان اقتوبە اكىمشىلىگىنىڭ الدىنا بارساڭ، ماڭدايشاسىنداعى البا-جۇلبا، جىرتىق-جىرتىق بولعان تۋدى كورەسىڭ. بۇل دا ب.بايداۋلەوۆتىڭ ۇلت رامىزدەرىنە دەگەن قۇرمەتسىزدىگى، پاتريوتيزمنەن جۇرداي، قر مەملەكەتتىك قىزمەت زاڭىن اياققا باسىپ، اتا زاڭىمىزدى اياققا تاپتاپ جۇرگەندىگىنىڭ كورىنىسى. قر ءرامىزىنىڭ جامبىل وبلىسى، شۋ اۋدانى، اقتوبە اكىمشىلىگىنىڭ ماڭدايشاسىندا قالاي قورلانعاندىعىنا سۋرەتتەر دالەل بولا الادى. 

ب.بايداۋلەوۆتىڭ وسىنشاما قىلمىستارىن شۋ اۋدانى اكىمى ب.نۇركەنوۆكە، جامبىل وبلىسى اكىمى ك.كوكرەكباەۆقا دا ارىز جازىپ ايتقان بولاتىنمىن جانە باسقا دا اۋىل تۇرعىندارى ايتقان بولاتىن. بىراق جامبىل وبلىسىنىڭ اكىمى ك.كوكرەكباەۆ جانە شۋ اۋدانىنىڭ اكىمى  ب.نۇركەنوۆ وسىنداي  اكىمدى بارىنشا قورعاۋدا. نەگە؟! نە ءۇشىن؟!

 ب.ىلشىباەۆا، جامبىل وبلىسى،  شۋ اۋدانى

اقتوبە اۋىلى تۇرعىنى

جانە باسقا دا اۋىل تۇرعىندارىنان

Abai.kz