فوتو - akorda.kz

كەلەسى جىلى ەلىمىز قازاق مەملەكەتتىلىگىنىڭ 550 جىلدىعىن تويلايتىن بولادى. بۇل تۋرالى پرەزيدەنت نۇرسۇلتان نازارباەۆ استانا قالاسى اكتيۆىمەن كەزدەسۋىندە اتاپ ءوتتى، دەپ جازادى baq.kz.

قر پرەزيدەنتى نۇرسۇلتان نازارباەۆ:

  – كەرەي مەن جانىبەك 1465 جىلى العاشقى حاندىقتى قۇردى، قازاقتىڭ مەملەكەتتىلىگىنىڭ تاريحى سول كەزدەن باستاۋ الادى. بالكىم ول بۇگىنگى شەكاراسىنداعى، بۇكىل الەمگە وسىنشا تانىمال ءارى بەدەلدى، وسى ۇعىمنىڭ قازىرگى ماعىناسىنداعىداي مەملەكەت بولماعان دا شىعار. بىراق بۇلاي دەپ سول كەزەڭدەگى باسقا دا بارلىق مەملەكەتتەر تۋرالى دا ايتۋعا بولادى. ەڭ ماڭىزدىسى، سول كەزدە وعان نەگىز قالاندى، ءبىز – بابالارىمىزدىڭ ۇلى ىستەرىنىڭ جالعاستىرۋشىلارىمىز. بۇگىندە ءبىزدىڭ ەلىمىز بارلىق تاياۋ مەملەكەتتەرمەن كوپعاسىرلىق دوستىق جانە تاتۋ كورشىلەستىك داستۇرلەرىن ساقتاپ وتىر. وسى قارىم-قاتىناستى ءاردايىم ساقتاعانىمىز ءجون.

پرەزيدەنت كەيىنگى كەزدە قازاق مەملەكەتتىلىگىنىڭ تاريحىنا بايلانىستى مۇنداي جاريا ءسوزدى اشىق مالىمدەمەسە دە ءجيى ايتىپ ءجۇر. مەملەكەتتىلىك تاريحقا قاتىستى پرەزيدەنتتىڭ بۇلاي ءجيى ايتۋىنا، ساراپشىلاردىڭ پىكىرىنشە، رەسەي مەن ۋكراينا اراسىنداعى جاعداي جانە رەسەيدىڭ يمپەريالىق پيعىلىنىڭ قوعامدىق سيپات الىپ ءارى ونىڭ ۇشقىنى قازاقستاندا دا پايدا بولا باستاۋى سەبەپكەر.

قالاي بولعان دا پرەزيدەنت ن.نازارباەۆتىڭ  قازاق مەملەكەتتىلىگىنىڭ 550 جىلدىعىن اتاپ ءوتۋ تۋرالى ويى جالپىحالىقتىق قولداۋعا تۇرارلىق بىردەن ءبىر باستاما ەكەنى شىندىق!

Abai.kz