بيلىكتەگى اۋىس-ءتۇيىس ودان ءارى جالعاسىپ جاتىر. مەملەكەتتىك حاتشى قىزمەتىنە كىرىسكەنىنە كوپ بولا قويماعان ادىلبەك جاقسىبەكوۆ استانا قالاسىنىڭ اكىمى بولىپ تاعايىندالدى. رەسەيدەگى ەلشى، قورعانىس ءمينيسترى سىندى قىزمەتتەردى اتقارعان جاقسىبەكوۆ ەكسپو 2017- گە قىزۋ دايىندالىپ جاتقان استانانى باسقارۋ كەلدى. بۇعان دەيىن ادىلبەك رىسكەلدىۇلى 1997-2003 جىلدارى ارالىعىندا استانا قالاسىن التى باسقارعان ەدى.

ەل تىنىش بولسىن!

ادىلبەك رىسكەلدىۇلى جاقسىبەكوۆ 1954 جىلى 26 شىلدەدە قوستاناي وبلىسى، قارابالىق اۋدانى، ءبورىلى اۋىلىندا تۋعان.

1978 ج. بۇكىلوداقتىق كينەماتوگرافيا (ماسكەۋ ق.) مەملەكەتتىك ۋنيۆەرسيتەتىن تامامداعان،

1987 ج. پلەحانوۆ اتىنداعى حالىق شارۋاشىلىع ينستيتۋتىندا «ماتەريالدىق-تەحنيكالىق جابدىقتاۋدىڭ ۇيىمداستىرۋشىسى» ماماندىعى بويىنشا قايتا دايارلىقتان وتكەن.

قازاق كسر مەمكينو جۇيەسىندە، ماتەريالدىق-تەحنيكالىق جابدىقتاۋ ورگاندارىندا جۇمىس ىستەپ، كاسىپورىندارعا باسشىلىق ەتكەن.

1988—95 جج. كوپسالالى «تسەسنا» كورپوراتسياسىنىڭ باسشىسى.

1995 ج. قازاقستان رەسپۋبليكاسى پارلامەنتىنىڭ سەناتىنا سايلانادى.

1996 ج. اقمولا وبلىسى اكىمىنىڭ ورىنباسارى قىزمەتىنە تاعايىندالادى.

1997 ج. جەلتوقسانىنان 2003 ج. ماۋسىمىنا دەيىن استانا قالاسىنىڭ اكىمى.

2003 ج. شىلدەسىنەن 2004 ج. جەلتوقسانىنا دەيىن قازاقستان رەسپۋبليكاسى يندۋستريا جانە ساۋدا ءمينيسترى.

2004 ج. جەلتوقسانىنان قازاقستان رەسپۋبليكاسى پرەزيدەنتى اكىمشىلىگىنىڭ باسشىسى.

2008 ج. قاڭتارىنان نۇر وتان حالىق دەموكراتيالىق پارتياسى توراعاسىنىڭ ءبىرىنشى ورىنباسارى.

2008 ج. قاراشا ايىنان قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى.

ماراپاتتارى

«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ»، III دارەجەلى «بارىس» وردەندەرiمەن، باسقا دا ۇكىمەتتىك ناگرادالارمەن ماراپاتتالعان.

اسكەري اتاعى

اسكەري اتاعى - زاپاستاعى پولكوۆنيك.

ءدىني كوزقاراسى

ءدىني كوزقاراسى - سىيلاسىمدىلىق.

قازاقستاننىڭ بولاشاعى تۋرالى بولجامى

قازاقستاننىڭ بولاشاعى تۋرالى بولجامى - «قازاقستاندى تاياۋ ارادا الەمدىك قاۋىمداستىق مۇشەلىگىنە ساي، جوعارى دامىعان، زايىرلى، دەموكراتيالىق مەملەكەت رەتىندە كورەمىن».

ساياسي قايراتكەر رەتىندەگى يدەالى

ساياسي قايراتكەر رەتىندەگى يدەالى - ن.ءا. نازارباەۆ.

ءحوببيى

ءحوببيى - سپورت (فۋتبول، تەننيس).

ءسۇيىپ وقيتىن ادەبيەتى

ءسۇيىپ وقيتىن ادەبيەتى - تاريحي جانە كوركەم پروزا، پوەزيا (ا. قۇنانباەۆ، ش. ايتماتوۆ، ە. حەمينگۋەي جانە باسقالارى).

وتباسى

ۇيلەنگەن. جۇبايى - يبراگيموۆا ءلاززات (1955 جىلى تۋعان), ەكونوميست. ۇلى - داۋرەن (1978 جىلى تۋعان).^[2][3]