بۇگىن استانا قالالىق سوتىندا اۋىلشارۋاشىلىعىنىڭ بۇرىنعى ۆيتسە-ءمينيسترى ءمۇسىلىم ومىرياەۆتىڭ (مۋسيليم ۋميرياەۆ) سوتى بولدى. سۋديا ەربول راحىمبەكوۆ ەكس-شەنەۋنىكتىڭ ىلگەرىدە اتقارعان قىزمەتىندە زاڭ بۇزۋشىلىق بەلگىلەرى بولماعاندىقتان جانە كامەلەتتىك جاسقا جەتپەگەن ءتورت بالاسى بار ەكەندىگىن ەسكەرە كەلىپ ونى 10 جىل باس بوستاندىعىنان ايىرۋعا  جازا تاعايىنداعانىن جاريا ەتتى. سونداي-اق، سۋديا  ەربول راحىمبەكوۆ ايىپتالۋشى ومىرياەۆتىڭ دۇنيە-مۇلكى تاركىلەنىپ جانە ول لاۋازىم شەنىن ارتىق پايدالانعاندىقتان پارە رەتىندە الدى دەگەن 100 مىڭ دوللاردى مەملەكەت قازىناسىنا قايتاراتىندىعىن دا ەسكەرتتى.

سوت ۇكىمى جاريا ەتىلىسىمەن عالامتورعا اۋىلشارۋاشىلىعى ءمينيسترى اسىلجان مامىتبەكوۆ شىقتى. كەشكە دەيىن الىس-جاقىننىڭ كوكەيىندەگى ءدۇدامال سۇراقتارعا جاۋاپ بەرۋگە ۋاقىت تاپپاي قاربالاسقانىنا كەشىرىم وتىنگەن مينيستر مامىتبەكوۆ ء مۇسىلىم ومىرياەۆتىڭ قىلمىسى تولىق دالەلدەنگەن بولسا، قىزمەتىنەن ءوز ەركىمەن كەتەتىندىگىن جازدى.

«سوت ۇكىمىنىڭ ءبىرىنشى ينستانتسياسى ءالى كۇشىنە ەنگەن جوق، سوندىقتان ول ء(مۇسىلىم ومىرياەۆتى ايتادى. -رەد)» زاڭ بويىنشا دا، كونستيتۋتسيا بويىنشا دا كىناسىز بولىپ تابىلادى. ومىرياەۆتىڭ جانە ونىڭ قورعاۋشىسىنىڭ وسى مۇمكىندىكتى پايدالانۋعا ءالى دە ۋاقىتى بار» - دەدى مينيستر فەيسبۋك الەۋمەتتىك تورىنداعى جەكە پاراقشاسىندا.  

ومىرياەۆ تۇتقىنعا الىنعان كۇندەرى-اق وتستاۆكاعا كەتۋگە دايىن ەكەندىگىن ەسكەرتكەن اسىلجان سارىبايۇلى سول كەزدەگى ۋادەسىن وسى جولى تاعى دا قايتالادى.

«مەن قىزمەتتەن كەتۋگە دايىنبىن با؟ ءيا، دايىنمىن»، - دەيدى مينيستر. بىراق بۇل اسىلجان مامىتبەكوۆ ءۇشىن انشەيىن ايتىلا سالعان ءسوزدىڭ بىرىنە ۇقسامايدى.

«بۇل مەنىڭ جاۋاپتى قىزمەتتى باعالاماعاندىعىمدى بىلدىرە مە؟ جوق. مەن ءوز جۇمىسىمدى وتە جاقسى كورەمىن. ماعان قازىرگى اتقارىپ جۇرگەن قىزمەتىم ۇنايدى. مەن وسى قىزمەتكە بەلسەنە بەرىلىپ كەتكەن سياقتىمىن، ايتپەسە وسىنىڭ بارىنە (ار-وجدانعا سالماق تۇسىرەتىن سوققى الا وتىرىپ) توزە الماس ەدىم»، - دەيدى ول.

ەستەرىڭىزگە سالا كەتەيىك، اۋىلشارۋاشىلىعىنىڭ بۇرىنعى ۆيتسە-ءمينيسترى ءمۇسىلىم ومىرياەۆ 2013 جىلى 22 جەلتوقساندا الدەبىر كاسپكەردەن 100 مىڭ اقش دوللارى كولەمىندە پارە الدى دەگەن كۇدىكپەن تۇتقىندالعان-دى. ءمۇسىلىم ومىرياەۆتى قولعا تۇسىرگەن قارجى پوليتسياسىنىڭ ارەكەتىن باستابىندا-اق اسىلجان مامىتبەكوۆ ادەيى ۇيىمداستىرىلعان ءىس دەگەن بولاتىن.

سوت ۇكىمى كۇشىنە ەنگەن سوڭ اۋىلشارۋاشىلعى ءمينيسترى قارجى پوليتسياسىنىڭ قيمىلىنا قاراتا ايتقان ءسوزىن قايتالاپ وتستاۆكاعا ەركىمەن كەتە مە، جوق پا، ونى ۋاقىت كورسەتەدى. الايدا ول – ءوزى باسقارىپ وتىرعان ۆەدمستۆونىڭ ابىرويى ءۇشىن اشىق تۇردە قىزمەتىنەن كەتەتىندىگىن ايتىپ، جاريا ەتكەن قازاقستانداعى تۇڭعىش مينيستر.

Abai.kz