مادەنيەت جانە سپورت ءمينيسترىنىڭ نازارىنا!

بۇل سۋرەت ازيادا ويىندارىنان تۇسىرىلگەن. سۋرەتتەگى جىگىتتەر - سۋ دوبىنان قازاقستان قۇراماسىنىڭ ەرلەر كومانداسى. بۇتتارىنا قازاقستان تۋى بەينەلەنگەن پلاۆكي كيىپ الىپ، ەل نامىسىن «قورعاپ» جۇرگەن جىگىتتەردىڭ ورەسكەل ىسىنە قالاي جول بەرىلگەنى تۇسىنىكسىز.

2012 جىلى رامىزدەر كۇنى قارساڭىندا رامىزدەر تۋرالى  زاڭعا وزگەرىستەر ەنىپ، مەملەكەتتىك رامىزدەردى قورلاۋعا قاتىستى زاڭ كۇشەيتىلگەن ەدى. اتالمىش زاڭنىڭ 13-بابى، 1-تارماقشاسىندا: «قازاقستان رەسپۋبليكاسىنىڭ ازاماتتارى، سونداي-اق رەسپۋبليكا اۋماعىندا جۇرگەن ادامدار قازاقستان رەسپۋبليكاسىنىڭ مەملەكەتتiك رامiزدەرiن قۇرمەتتەۋگە مiندەتتi.»، - دەپ انىق جازىلعان. سونداي-اق 15-باپتا «قازاقستان رەسپۋبليكاسىنىڭ مەملەكەتتiك رامiزدەرiن دايىنداۋدى جانە پايدالانۋدى رەتتەيتiن قازاقستان رەسپۋبليكاسىنىڭ زاڭناماسىن بۇزۋ قازاقستان رەسپۋبليكاسىنىڭ زاڭدارىندا بەلگiلەنگەن جاۋاپتىلىققا اكەپ سوعادى.»، - دەپ كورسەتىلگەن.

Abai.kz