قر ۇقك نازارىنا!

قاراعاندىدا بەلگىسىز كۇشتەر ىمىمەن باسقارىلاتىن كازاك اسكەري ۇيىمى  پايدا بولدى. ونداعىلار ءبىر بىرلەرىنە ويدان شىعارىلعان اسكەري شەن بەرىپ، قاڭىلتىردان مەدال تاعىپ، ەشتەڭە بولماعانداي رەسەي پاتشالىعىنىڭ فورماسىن كيىپ العان.

ءبىر انىعى كازاك ۇيىمىنىڭ بەلسەندىسى الەكساندر بۋلاۆين my.mail.ru, vk.com  سياقتى الەۋمەتتىك جەلىلەر ارقىلى سەپەراتيزمدى ناسيحاتتايدى. ول وتە-موتە وڭتۇستىك-شىعىس ۋكرايناداعى رەسەي سەپاراتيستەرىنە قارسى انتيتەررورلىق وپەراتسيالاردى سىنايدى، سەپاراتيستەرگە قولداۋ كورسەتۋگە شاقىرادى. ء ار كىمنىڭ ءوز ساياسي كوزقاراسى بار، الايدا، ءبىر مەملەكەتتىڭ تۇتاستىعىنا قاۋىپ توندىرگەن ەل ىشىندەگى قارۋلى  سەپەراتيزمدى  باسقا ەلدىڭ ازاماتتارى قولداۋى – ءۇشىنشى ەلدىڭ اگرەسسورلىق ارەكەتى بولىپ تابىلادى. الەكساندرا بۋلاۆيننىڭ پاراقشاسىندا «دونەتسك حالىق رەسپۋبليكاسىنىڭ» تۋى ءىلىنىپ تۇر. ول اسكەري كيىم كيىپ، ۋكراينادا سەپاراتيستەر جاريالاعان رەسپۋبليكانىڭ تۋىن قولىنا ۇستاپ العان جانە ەرەكشە سالتاناتپەن سۋرەتكە تۇسكەن.  بۇلار سۋرەتكە تۇسكەن قاراعاندى اتىرابى سەپاراتيستەر باسىپ العان ۋكراينانىڭ ءبىر ەلدىمەكەنى سياقتانىپ كەتكەن. اتالعان ازاماتتىڭ پاراقشاسىندا ورنالاستىرىلعان سىلتەمەلەر مەن پوستتار ونىڭ قانداي كوزقاراستا ەكەنىنەن انىق حابار بەرەدى. ول ۋكراينا ۇلتشىلدارىنىڭ ينتەرنەت بەتىنە «سمەرت ۋكروپام!» دەپ جازعان.  جان الۋعا شاقىراتىن مۇنداي ءسوز سوعىس ءجۇرىپ جاتقان ۋكراينادا ەمەس، قاراعاندى ماڭىندا ايتىلۋدا. بۇل جازۋ كوپ قارسى پىكىردەن كەيىن وشىرىلگەن، الايدا ينتەرنەت قولدانۋشىلاردىڭ ءبىرى سكرينشوت ءتۇسىرىپ الىپتى.  ۇلت ارازدىقتى تۋعىزاتىن بۇنداي ارەكەتتەر اۋىر قىلمىس بوپ سانالاتىنى بەلگىلى.

بۋلاۆيننىڭ ءفوتوارحيۆى ونىڭ كوپتەن بەرى جالعىز ەمەس ەكەنىن كورسەتەدى. «كازاچي ۆار» دەگەن اتاۋمەن تۇرعان البومىنان سوعىسقا دايىندالۋعا ارنالعان جازدىق لاگەردى بايقاۋعا بولادى. وندا قاتارعا ءتىزىلۋ عانا ەمەس بەتپە-بەت كۇرەستەگى ۇرىس تاسىلدەرى وقىتىلعان. ءتىپتى ون جاستاعى بالانىڭ قولىنا قارۋ ۇستاتىپ قويعان. فوتولاردان ۋكرايناداعى ەكسترەميستەر قولدانىپ جۇرگەن «كولورادا» سيمۆولىن دا بايقاۋعا بولادى جانە مول قارۋ-جاراقپەن جاساقتالعانى دا كورىنىپ تۇر.

بۇعان قاراپ «رەسەيدەگى سياقتى ۋكراين جەرىندەگى ۇرىسقا بارۋعا ەرىكتى جاساقتار  توپتاستىراتىن  ۇيىم قازاقستاندا دا پايدا بولدى ما» دەگەن قاۋىپ تۋادى.  توپتاستىرىلىپ قانا قويماي ارنايى اسكەري قولباسشىنىڭ باپتاۋىنا تۇسكەندەي. وسى اپتادا عانا قازاقستان قۇزىرلى ورگاندارى ۋكرايناداعى ۇرىستارعا قازاقستان ازاماتتارى كەتپەگەنى تۋرالى حابارلادى. بۋلاۆيننىڭ فوتوسى سول مالىمدەمەنى تەرىستەيتىن سياقتى.

بۇل ماسەلەمەن اسقىنباي تۇرعاندا قۇزىرلى ورگاندار اينالىسادى دەپ سەنەمىز. ۋكرايناداعى سەپەراتيزم دە وسىنداي "كىشكەنتاي" وقيعالاردان باستالعان بولاتىن.

اقكىسى جانكەرىم

Abai.kz