ە، دۇنيە-اي! ءتول تەڭگەنىڭ بەتىنەن ايبىندى ابىلايدىڭ ءجۇزىن كورىپ، ءجۇز تەڭگەلىكتى كەۋدەمىزگە قىسقانىمىز كەشە عانا ەدى عوي.

ول كەزدەگى "جۇزدىك" شىنىمەن دە مىقتى ەدى. سول ابىلايدىڭ ءجۇز تەڭگەسىنەن ايبار كەتكەنى قاشان! ءجۇزىڭىز نە، مىڭدىقتاردىڭ ءوزى مىج-مىج بولىپ بوساعادا قالاتىن سياقتى عوي. بۇگىن ءبىر دوللاردىڭ قۇنى 300 تەڭگەگە ءبىر-اق سەكىردى! ەندى قايدا بارىپ توقتايتىنىن ەشكىم بىلمەيدى. ابىلايدىڭ اقىلمانى بۇحار بابام مۇندايدا الگى كەرەيگە ايتقانىن تاعى قايتالار ما ەدى...

...كوشىڭ كەتەر ءبىر جاققا،
مالىڭ كەتەر ءبىر جاققا،
كوش سوڭىنان جەتە الماي،
ەسىڭ شىعار سول شاقتا.
جار باسىنا قامالىپ،
جارتى لاشىق تىگەرسىڭ،
اۋىزىڭنان اس كەتەر...

ارمان سقابىلۇلى

Facebook-تەگى پاراقشاسىنان