تۇركيا پرەزيدەنتى رەدجەپ ەردوعاننىڭ Nokta جۋرنالىندا جارىق كورگەن ءبىر سۋرەتى كۇللى تۇرىك قاۋىمىن ءدۇر سىلكىندىردى، - دەپ حابارلايدى "الاش ايناسى" باسىلىمى Reuters سايتىنا سىلتەمە جاساپ.

فوتوشوپتىڭ كومەگىمەن قۇراستىرىلعان راسىمدە تۇركيا ليدەرى كۇرد كوتەرىلىسشىلەرى ولتىرگەن تۇرىك سولداتى جەرلەنگەلى جاتقان جەردە كۇلىمسىرەپ، وزىنە سەلفي جاساپ تۇر.

«باسىلىم وسىلايشا ەلدە بولىپ جاتقان قانتوگىستەگى ەردوعاننىڭ ءرولىن كورسەتپەكشى بولعان»، – دەپ جازادى وسى ورايدا ارمەنيانىڭ NEWS.am اگەنتتىگى.

تۇركيا بيلىگى پرەزيدەنتتىڭ ار-وجدانىنا ءتيىپ، ونى «تەررورلىق ناسيحاتتى ۋاعىزداۋشى» ەتىپ كورسەتكەن جۋرنالدىڭ سىرتقى مۇقاباسى ينتەرنەتتە جاريالانعاننان كەيىن ونىڭ شىعۋىنا تىيىم سالدى. پوليتسيا سودان سوڭ تابىت قالقاسىندا قۋانىشتى كوڭىل-كۇيدە ءوزىن ءوزى فوتوعا تارتىپ جاتقان مەملەكەت باسشىسىنىڭ سۋرەتى جاريالانعان Nokta جۋرنالىنىڭ رەداكتسياسىنا رەيد جاساپ، ءتىنتۋ جۇرگىزدى.

جۋرنال باسشىلارى وزدەرىنىڭ بۇل قىلىقتارىنا ەردوعاننىڭ كۇردتەر ولتىرگەن سولداتتار وتباسىلارى ولاردىڭ ەرلىك ىستەرى ءۇشىن باقىتتى بولۋلارى كەرەك، دەگەن تۇرعىدا ايتقان سوزدەرىنە بايلانىستى بارعاندارىن تۇسىندىرگەن.

اباي-اقپارات