Түркия президенті Реджеп Ердоғанның Nokta журналында жарық көрген бір суреті күллі түрік қауымын дүр сілкіндірді, - деп хабарлайды "Алаш айнасы" басылымы Reuters сайтына сілтеме жасап.

Фотошоптың көмегімен құрастырылған рәсімде Түркия лидері күрд көтерілісшілері өлтірген түрік солдаты жерленгелі жатқан жерде күлімсіреп, өзіне селфи жасап тұр.

«Басылым осылайша елде болып жатқан қантөгістегі Ердоғанның ролін көрсетпекші болған», – деп жазады осы орайда Арменияның NEWS.am агенттігі.

Түркия билігі президенттің ар-ожданына тиіп, оны «террорлық насихатты уағыздаушы» етіп көрсеткен журналдың сыртқы мұқабасы интернетте жарияланғаннан кейін оның шығуына тыйым салды. Полиция содан соң табыт қалқасында қуанышты көңіл-күйде өзін өзі фотоға тартып жатқан мемлекет басшысының суреті жарияланған Nokta журналының редакциясына рейд жасап, тінту жүргізді.

Журнал басшылары өздерінің бұл қылықтарына Ердоғанның күрдтер өлтірген солдаттар отбасылары олардың ерлік істері үшін бақытты болулары керек, деген тұрғыда айтқан сөздеріне байланысты барғандарын түсіндірген.

Абай-ақпарат