وسىعان بايلانىستى بۇگىندە اتالمىش ەلدەردە تەرىس پيعىلدى يدەولوگيانىڭ تارالۋىنا قارسى كۇشتەر جۇمىلدىرىلىپ، شەتەل اسىپ جاتقان ازاماتتار قاتاڭ باقىلاۋعا الىنۋدا. وسىنداي «جىنىستىق جيھادقا» تاپ بولعان قىزداردىڭ ءبىرى – سيريا ازاماتشاسى راۋان قادداق. ول باسىنان كەشكەن اۋىر تاعدىرى تۋرالى وزگە بويجەتكەندەرگە ساباق بولسىن دەگەن ماقساتپەن، شەتەلدىك ارنالارعا سۇحبات بەرگەن.  

بويجەتكەننىڭ  «جىنىستىق جيھادقا» بارۋعا اكەسى سەبەپكەر بولعان. سيريانىڭ «يشيم» سودىرلارى راۋاننىڭ اكەسىنە: «قىزىڭ اللانىڭ جولىندا شاحيد بولىپ، جانناتقا كىرسىن دەسەڭ، ءبىزدىڭ قاتارعا قوس» دەپ ۇگىتتەگەن.  سودان كەيىن اكەسى تۋعان قىزىن سودىرلاردىڭ جەتەگىنە جىبەرگەن.

راۋاننىڭ ءوز اۋزىنان:

«مەنىڭ اكەم اۋىل شارۋاشىلىعىمەن اينالىساتىن. وتباسىمىزدا جەتى  ادام بار. اكەم قىزبا كىسى، كوپ جاعدايدا اشۋلانىپ مىنەز كورسەتىپ شىعاتىن. سوڭعى ۋاقىتتا ءبىز اكەمنىڭ «يشيم» سودىرلارىمەن قارىم-قاتىناس ورناتىپ جۇرگەنىن بايقايتىنبىز. سودان كەيىن الگى سودىرلار ۇيگە ءجيى كەلگىشتەپ كەتتى. ءبىر كۇنى اكەم مەنى ءبىر قاراڭعى بولمەگە قاماپ قويدى. بىرەر ۋاقىتتان كەيىن بولمەنىڭ ەسىگىن اشىپ 50 جاس شاماسىندا ۇلكەن ەر كىسى كىرىپ كەلدى. ول مەنى باس سالىپ، توسەك قاتىناسىنا تارتتى. قانشا ايعايلاپ، بوي بەرمەۋگە تىرىسسام دا، ءوزىمدى قورعاي المادىم. ءسال ۋاقىتتان كەيىن تاعى ءبىر ەر كىسى كىرىپ، بەت اۋزىمدى قىمتاپ، قولىمدى بايلاپ، الگى جاعداي تاعى قايتالاندى. بولعان جاعدايدىڭ ءبارىن، ياعني ايعايلاعان داۋىسىمدى اكەم كەلەسى بولمەدە ەستىپ وتىردى. كەيىن ەسىمدى ارەڭ جيىپ، اۋىرسىنعان كۇيى، بولمەدەن شىعىپ اكەمە باردىم. «نەگە مۇنداي جاعدايعا جول بەردىڭىز؟» دەپ ابدەن جىلادىم. سوندا اكەم: «قىزىم، بۇل جيحادتىڭ ءبىر ءتۇرى. سەنىمەن جىنىستىق قاتىناسقا تۇسەتىن ەركەكتىڭ سانى قانشالىقتى كوپ بولسا، سونشالىقتى ساۋاپ الاسىڭ. ەگەر شىداي الماي كوز جۇمساڭ، شاحيد اتانىپ، بارار ورنىڭ ءجاننات بولادى»، - دەدى. سودان كەيىن الگى سودىرلار قاتارى ۇيگە تاعى كەلىپ مەنى زورلاي باستادى. ەرتەسىنە اكەم مەنى «يشيم» سودىرلارى ورنالاسقان لاگەرگە الىپ باردى. وندا ءبىر ءۇي بار ەكەن. مەنى سوندا كىرگىزدى. ءۇيدىڭ ىشىندە «جىنىستىق جيھادقا» الدانىپ كەلگەن كوپتەگەن شەتەلدىك قىزدار بولدى. سوندا ۇيگە ءبىر ەر كىسى كىرىپ «جىنىستىق جيھادقا» بايلانىستى جاڭا ءپاتۋا شىققانىن، ونىڭ حالال ەكەندىگىن ناسيحاتتادى. مۇنداي ارەكەت سيريا ەلىندە 2011 جىلدان بەرى جالعاسىپ كەلە جاتقانىن جەتكىزدى. سونىمەن قاتار ول سيريا مايدانىندا جۇرگەن ەرجۇرەك باتىرلاردىڭ ءناپسىسىن قاندىرىپ، ولارعا كۇش بەرۋگە ۇندەدى.

وسىلايشا قانشاما قىزدار «جىنىستىق جيھاد» دەپ، ەلىنەن بەزىپ سيرياعا كەلىپ مەن سياقتى ازاپقا دۋشار بولىپ جاتقانداردى كوزىم تالاي كوردى».

اراب تىلىنەن اۋدارعان جالعاس اسحات، ءدىنتانۋشى

e-islam.kz