استاناعا ادىلبەك جاقسىبەكوۆ قايتا اكىم بولىپ كەلگەلى مۇنداعى جەزوكشەلەردەن دە مازا كەتتى.  بۇرىن تەمىر جول ۆوكزالى ماڭىن ەركىن جايلاعان ولاردىڭ ءورىسى بىرتىندەپ تارىلىپ كەلەدى. ءبىرجان سال كوشەسىنىڭ بويىندا بۇل «بيزنەس» كادىمگىدەي «گۇلدەنىپ» قالىپ ەدى.  استانا قالالىق ءىىد-ءتى دە ولاردان جەڭىلگەن سىڭاي تانىتىپ، «قىزمەتتەرىنە» كەدەرگى بولۋدى قويىپ كەلە جاتقان. ءتىپتى، سول ءبىرجان سال كوشەسىنىڭ بويىندا تۇراتىن ءبىر اجەي: «جەزوكشەلىكپەن كۇرەسەدى دەپ جۇرگەن ساقشىلارىمىزدىڭ ءوزى تۇندە پاترۋلدىك ماشينامەن ءوتىپ بارا جاتىپ، ولارمەن داۋىس كۇشەيتكىش ارقىلى سالەمدەسەتىنىن قايتەرسىڭ» دەپ قىنجىلىس بىلدىرگەنىن ەستىپ ەدىك. بۇل سوزدەن جەزوكشەلىككە قوعامنىڭ ەتى قالاي ۇيرەنە باستاعانىن اڭعارۋعا بولاتىنداي.

بۇلاي جالعاسا بەرسە، تەمىر جول ۆوكزالى ماڭىن جايلاعان ازعىندىق اقىرىنداپ استانانىڭ اسەم كەلبەتى – سول جاعالاۋعا دا جەتۋى كامىل-ءتىن. ابروي بولعاندا، استانا قالاسىنىڭ اكىمى جاقىندا ارنايى ءماجىلىس وتكىزىپ، جەزوكشەلەرگە قارسى بىتىسپەس مايدان اشتى. استانا قالالىق ءىىد-نە سول اۋداندى جەزوكشەلىكتەن تازارتۋ جونىندە ارنايى تاپسىرما بەردى. سودان بەرى ەلورداداعى ءتارتىپ ساقشىلارىندا دا تىنىم جوق. كۇن سايىن رەيد، كۇن سايىن كەشكىلىكتە جەزوكشەلەردى جۇگەندەۋگە شىعادى. ءار كەشتە 150-200 شاقتى «تۇنگى كوبەلەكتەردى» اكەلىپ، دەپارتامەنتتىڭ ۇزىن دالىزىنە توعىتادى. زاڭ بويىنشا كوشەدەگى جۇرگىنشىلەردى مازالاعانى ءۇشىن، كوپ قاباتتى ۇيلەردەگى تۇرعىنداردىڭ مازاسىن العانى ءۇشىن اكىمشىلىك ايىپپۇل سالادى. ونىڭ كولەمى 5 ايلىق ەسەپتىك كورسەتكىش شاماسىندا. ەگەر ەكىنشى رەت ۇستالسا، 10 ايلىق ەسەپتىك كورسەتكىش كولەمىندە ايىپپۇل تولەيدى. قازىر ەلوردانىڭ بيۋدجەتىنە جەزوكشەلەردەن ەكى-ءۇش ميلليون تەڭگە كولەمىندە ايىپپۇل تۇسكەنگە ۇقسايدى. اكىمنىڭ تالابى قاتاڭ، ايبارى سۇستى. سوندىقتان ءتارتىپ ساقشىلارى مۇنىمەن شەكتەلمەي، رەيدتەرىن ودان ءارى جالعاستىرىپ جاتىر. اقىرىندا، جەزوكشەلەردىڭ جۇيكەسى سىر بەردى بىلەم، بىرنەشەۋى بەتتەرىن جاپپاستان ۇكىمەتكە ارنايى شاعىم ايتتى.

ء«بىزدىڭ بيزنەسىمىزدى زاڭداستىرىڭىزدار، سالىعىمىزدى اي سايىن ۋاقىتىلى تولەپ وتىرايىق. تاعى قانداي تالاپتارىڭىز بولادى، سونىڭ ءبارىن ورىندايمىز. تەك ءبىزدىڭ قىزمەتىمىزگە كەدەرگى بولماساڭىزدار ەكەن. قازىر كۇندە ايىپپۇل تولەپ جاتىرمىز. تابىسىمىز بولسا ازايىپ كەتتى. كۇنكورىسىمىز قيىندادى. بالا-شاعامىزدى اسىراي المايتىن بولدىق (ەكى-ۇشەۋى بالالارى بار جەسىر ايەل بولىپ شىقتى)» دەگەن مازمۇنداعى شاعىمدارى ۇكىمەتكە جەتتى مە، جەتپەدى مە، ول جاعى ءازىر بەلگىسىز (جەتپەگەنى ءجون عوي. ءبىزدىڭ ۇكىمەتكە سەنىم بار ما، «ماقۇل» دەپ قالىپ جۇرسە). بەلگىلىسى، بۇل كۇرەس ءتاسىلى جەزوكشەلەرگە وڭاي تيمەي جاتقانى. ءتارتىپ ساقشىلارى وسى تەگەۋىرىندەرىن جوعالتپاي، جۇمىستارىن وسىلايشا جالعاستىرا بەرسە، ءبىر-بىرىمەن بەرىك ۇيىمداسقان جەزوكشەلەر ورداسى ىشتەي ىدىراپ، كول-كوسىر تابىستان ايىرىلىپ، اقىرىندا كۇن كورىستىڭ باسقا امالىن ىزدەۋگە كەتەرى انىق-اۋ. تابىس جوق جەردە ەشكىمنىڭ جۇرمەسى بەلگىلى عوي. ءسويتىپ، جەڭىلمەستەي كورىنەتىن جەزوكشەلىك تە ءبىزدىڭ قوعامنان ءبىرجولا جوعالماعانىمەن، ءبىرشاما ازايار ەدى. ەڭ باستىسى، استانا اكىمى العان بەتىنەن قايتپاي، تالابىن كۇشەيتە بەرسە دەيمىز. ايتپەسە، ازعىندىق جايلاعان ەلگە اينالۋعا شاق قالىپ ەدىك.

مەڭدوللا شامۇراتوۆ

Abai.kz