تەڭگەنىڭ ەركىن ايىرباس باعامىنا كوشكەنىن مالىمدەگەن  پرەمەر-مينيستر كارiم ءماسiموۆ   ءوڭiر اكiمدەرiنە باعانىڭ نەگiزسiز كوتەرiلۋiنە جول بەرمەۋدi تاپسىرعان-تىن. شىمكەنت قالاسىنىڭ اكiمi عابيدوللا ءابدiراحىموۆ سول كۇنi ءتۇس قايتا ۇلتتىق بانكتiڭ وڭتۇستiك قازاقستان فيليالى، كاسiپكەرلەر پالاتاسى، مەملەكەتتiك كiرiستەر باسقارماسى، iرi ونەركاسiپ ورىندارى، ساۋدا ورتالىقتارى، بازارلار، فارماتسەۆتيكا كومپانيالارى مەن جانار-جاعارماي قۇيۋ بەكەتتەرi باسشىلارىن شاقىرىپ، كەلەلi ءماجiلiس وتكiزدi. ماجiلiسكە وبلىس اكiمiنiڭ بiرiنشi ورىنباسارى دارحان ساتىبالدى قاتىستى.

– بiرiنشi كەزەكتە ازىق-تۇلiك پەن قىزمەتتەردiڭ باعاسىن بiرقالىپتى ۇستاۋىمىز كەرەك. بۇل رەتتە جەرگiلiكتi بيلiك پەن تيiستi ورگاندارعا بiرقاتار مiندەتتەر جۇكتەلەدi. بiرiنشiدەن، قالا اكiمدiگi جانىنان ارنايى شتاب قۇرىلىپ، ونىڭ قۇرامى بەكiتiلدi. ول تابيعي مونوپوليالاردى رەتتەۋ جانە باسەكەلەستiكتi قورعاۋ ورگانىمەن، اۋدان اكiمدەرiمەن تiزە قوسىپ، الەۋمەتتiك ماڭىزى بار تاۋارلار (ازىق-تۇلiك، جانار-جاعارماي، ءدارi-دارمەك) باعاسىنىڭ نەگiزسiز وسۋiنە توسقاۋىل قويىپ، باقىلاۋدى كۇشەيتپەك. بيىل ۇلتتىق ەكونوميكا مينيسترi 33 ءتۇرلi تاۋاردىڭ شەكتiك باعاسىن، ال، ەنەرگەتيكا مينيسترi جانار-جاعارمايدىڭ قۇنىن بەكiتكەن-دi. سوندىقتان ابىر-سابىردى پايدالانىپ، قالتاسىن قومپايتقىسى كەلەتiندەرگە قاتاڭ شارا قولدانىلادى، – دەگەن قالا اكiمi جاڭا ەكونوميكالىق ساياسات قوعامدىق كولiكتەردەگi جولاقى تاريفiنە مۇلدەم اسەر ەتپەيتiنiن دە ەسكە سالدى.

ەكiنشiدەن، ع.ءابدiراحىموۆ شاїارداعى بارلىق اۋدان اكiمدiكتەرiندە قۇرىلعان جۇمىس توبى ساۋدا نۇكتەلەرiندەگi باعاعا مونيتورينگ جۇرگiزiپ، ناتيجەسiن كاسiپكەرلiك بولiمiندە جيناقتاپ، ناقتى جاعدايدى كۇندەلiكتi ءوزi قاداعالايتىنىن اتاپ ءوتتi. ۇشiنشiدەن، جەرگiلiكتi تاۋار ءوندiرۋشi كاسiپورىندار مەن iرi ساۋدا ورىندارى يەلەرi جانە قالا اكiمدiگi اراسىندا باعانى تۇراقتاندىرۋ بويىنشا مەموراندۋمدار تۇزiلمەك. بۇل تاپسىرما قالا باسشىسىنىڭ ورىنباسارى ءارi شتاب جەتەكشiسi قايرات نۇرتايعا جۇكتەلدi.  

سونىمەن قاتار، جيىندا قر ۇەم تابيعي مونوپوليالاردى رەتتەۋ جانە باسەكەلەستiكتi قورعاۋ كوميتەتi وقو بويىنشا دەپارتامەنتiنiڭ باسشىسى باقتيار اتالىقوۆ ساۋدا ورتالىقتارى مەن بازارلاردا مونيتورينگ جۇرگiزiلiپ، الەۋمەتتiك ماڭىزعا يە تاۋارلار قۇنىنىڭ شارىقتاۋ بەلگiلەرi انىقتالماعانىنا توقتالدى.

ونىڭ ايتۋىنشا، تاۋار وندiرەتiن جانە كوتەرمە ساۋدامەن اينالىساتىن كاسiپورىندارعا باعانى نەگiزسiز ارتتىرماۋ جونiندە ەسكەرتۋ حاتتار جولدانعان. بۇدان بولەك ب.اتالىقوۆ سۋدىڭ، جىلۋدىڭ، ەلەكتر قۋاتىنىڭ تاريفتەرi جىل باسىندا 5 جىل مەرزiمگە شەكتi دەڭگەيدە بەكiتiلگەندiكتەن پالەندەي وزگەرiستەر بولمايتىنىن جەتكiزدi. ال، وزبەكستاننان دوللارمەن ساتىپ الىناتىن تابيعي گاز ماسەلەسi باسى اشىق كۇيiندە قالدى.

مۇنان سوڭ وقو بازارلار اسسوتسياتسياسىنىڭ توراعاسى قايرات بالابيەۆ جۇرتشىلىققا جاڭا اقشا-نەسيە ساياساتىنا قاتىستى قيىندىقتاردىڭ وتكiنشi ەكەنiن ءتۇسiندiرiپ، نارىقتاعى تۇراقتىلىقتى ساقتاۋعا ناقتى قولداۋ رەتiندە وزiنە قاراستى بازارلارداعى ساۋدا قاتارلارىن 3 اي بويىنا جالداۋ اقىسىنان بوساتۋعا ۋادە ەتتi. جانە وزگە ارiپتەستەرiنە دە وسىنداي قادامدارعا بارۋىنا كەڭەس بەردi. ءسiرا، ق.بالابيەۆتiڭ ءسوزi قامشى بولدى ما، iلە-شالا بiرنەشە كاسiپكەر مiنبەرگە كوتەرiلiپ، بۇعان دەيiن دە بiرقاتار داعدارىستار ورىن العانىن، الايدا، قازاقستان مۇنداي سىناقتاردىڭ بارلىعىن ەڭسەرگەنiن تiلگە تيەك ەتiپ، بۇل تىعىرىقتان دا دiن-امان شىعۋعا اتسالىساتىندىقتارىنا سەندiردi.    

ءوز كەزەگiندە وبلىستىق ءماسليحاتتىڭ دەپۋتاتى ومiرزاق مەلدەحانوۆ، اسiرەسە، كوممۋنالدىق تاريفتەردi بiر تيىنعا وسiرمەۋدi بارىنشا قاتاڭ قاداعالاۋ كەرەكتiگiن ەسكەرتتi. «ۆاليۋتالىق ءدالiز الىنىپ تاستالدى. ەندi قۇردىمعا كەتەتiن بولدىق» دەپ دۇرلiگiپ، داۋرىعۋعا بوي الدىرۋدان اۋلاق بولعان ءجون» دەدi.

اباي-اقپارات