بۇگىن استاناداعى ورتالىق كوممۋنيكاتسيالار قىزمەتىندەگى بريفينگتە ءباسپاسوز وكىلدەرىمەن جۇزدەسكەن ۇكىمەت باسشىسى كارىم ءماسىموۆ قيىن كۇندەر ءالى الدا دەي كەلىپ، ۇلتتىق قورعا قول سۇعۋعا بولمايتىندىعىن قاداپ ايتتى.

“ۇلتتىق قورعا قاتىستى ايتار بولساق، بۇدان دا قيىن كەزەڭ تۋى مۇمكىن دەپ ەسەپتەيمىز، سوندىقتان ۇلتتىق قوردان قوسىمشا رەسۋرستار المايمىز. ۇلتتىق قور بىزگە ءالى دە كەرەك بولادى”، — دەدى  ول. 

ء“بىز ۇلتتىق قوردان بۇگىنگى تاڭدا الىناتىن كەلىسىمدەرمەن شەكتەلەمىز، بۇل اعىمداعى بيۋدجەت ءۇشىن 8 ميلليارد دوللار كولەمىندەگى ەكۆيۆالەنت، وعان قوسا “نۇرلى جول” باعدارلاماسى ءۇشىن 3 ميلليارد  دوللار الىنادى. بۇل ەكى سوما بۇرىن كەلىسىلگەن، سوندىقتان  ولاردى پايدالاناتىن بولامىز. باسقا قوسىمشا قاراجات الىنبايدى”، —دەپ ءسوزىن قورتىندىلادى پرەمەر-مينيستر.

اباي-اقپارات