تامىزدىڭ دا العاشقى اپتاسى ءوتiپ بارادى. ەندi شامالى ۋاقىتتان سوڭ  جاڭا وقۋ جىلىنا دايىندىق تولىعىمەن اياقتاپ ۇلگەرۋ كەرەك.

سونىمەن، جاڭا وقۋ جىلىنا دايىندىق قالاي؟

جالپى، رەسپۋبليكالىق جانە وبلىستىق بيۋدجەت ەسەبiنەن 23,7 ميلليارد تەڭگەگە 104 بiلiم نىسانىنىڭ قۇرىلىسىن سالۋ جوسپارلانعان. ونىڭ iشiندە 67 نىساننىڭ قۇرىلىسىن بيىل بiتiرۋ كوزدەلiپ وتىر. 2015 جىلعى 3 تامىزعا دەيiن 30 نىساننىڭ (ونىڭ iشiندە 24 مەكتەپ، 2 بالالار باقشاسى، 4 قوسىمشا جاي) قۇرىلىسى تاپسىرىلدى. ونىڭ 15-i اپاتتى جاعدايداعى مەكتەپتەر. وبلىس بويىنشا 46 مەكتەپ اپاتتى جاعدايدا بولاتىن. جىل سوڭىنا دەيiن تاعى 14 مەكتەپ تاپسىرىلماق. سوندا وبلىستاعى 1022 مەكتەپتiڭ 17-سi عانا اپاتتى جاعداي ساناتىندا دەگەن ءسوز. ال، كەلەر جىلى وبلىستا مۇنداي مەكتەپتەر مۇلدەم بولمايدى.

وبلىستىڭ بiلiم، جاستار iسi جانە تiلدەردi دامىتۋ باسقارماسىنىڭ جاۋاپتى ماماندارىنىڭ بەرگەن مالiمەتiنە سۇيەنسەك، قر بiلiم جانە عىلىم مينيسترلiگiنiڭ 2014 جىلعى 17 قازانداعى «11 جىلدىق بiلiم بەرۋ» باعدارلاماسى بويىنشا 2015 جىلى 4, 5, 6, 11-سىنىپتارعا ارنالعان وقۋلىقتار مەن وقۋ-ادiستەمەلiك قۇرالدارى جەتكiلiكتi دايىندالماق. 3-سىنىپقا ارنالعان اعىلشىن تiلi, 7-سىنىپقا ارنالعان ينفورماتيكا ءپانi وقۋلىقتارى تولىق قامتىلادى. وقۋلىقتار ءۇشiن رەسپۋبليكالىق جانە جەرگiلiكتi بيۋدجەتتەن تيiستi قارجىلار تولىق اۋدارىلعان. تامىز ايىنىڭ 15-iنە دەيiن بارلىق وقۋلىقتار مەكتەپ كiتاپحانالارىنا تۇسۋگە تيiس.

دەسەك تە، اۋدان، قالالارداعى بiلiم مەكەمەلەرiنiڭ 2015-2016 جىلدارداعى قىسقى ماۋسىمعا دايىندىعىندا ءالi دە كەشەۋiلدەۋشiلiكتەر بار سىڭايلى. قولداعى مالiمەتكە جۇگiنسەك، شىمكەنت، تۇركiستان قالالارى مەن وتىرار، ورداباسى، تۇلكiباس اۋداندارىندا قاتتى وتىن دايىنداۋ ءالi قولعا الىنباعان. بiراق ولار بۇل كەشەۋiلدەۋدi جازدىڭ اپتابىندا كومiردiڭ قىزىپ كەتەتiندiگiمەن ءتۇسiندiرiپ وتىر. راسىندا، مۇنىمەن دە كەلiسۋگە بولادى. اپتاپ ىستىقتا كومiرلەر كۇلگە اينالىپ نەمەسە وزiنەن-ءوزi جانىپ كەتەتiنiن تاجiريبە كورسەتiپ ءجۇر. سوندىقتان اۋا رايى سالقىنداي باستاعاندا بۇل iستi جەدەل قولعا الۋ كەرەك-اق.

ارىس، كەنتاۋ قالالارى، بايدiبەك، سارىاعاش، ماقتاارال اۋداندارى قاتتى وتىنمەن 100 پايىز قامتاماسىز ەتiلگەن. سوزاق، شاردارا اۋداندارى كومiر تاسۋدى جارتىلاي اياقتاعان.

سايىپ كەلگەندە، بيىلعى جاڭا وقۋ جىلىنا دايىندىق جۇمىستارى كوڭiل كونشiتەرلiكتەي. قوڭىراۋ قاعىلار كۇن جاقىن. وقۋشىلاردىڭ التىن ۇيالارىنا شات كوڭiلمەن ورالۋىن تiلەيiك.

اباي-اقپارات