6 تامىزدا قىرعىزستاننىڭ ەاەو-عا قوسىلۋى تۋرالى شارت كۇشىنە ەنەدى. قىرعىزستان ارمەنيا، بەلارۋس، قازاقستان، رەسەيمەن قاتار ەۋرازيالىق ەكونوميكالىق وداقتىڭ تولىققاندى مۇشەسى اتانادى.

today.kz-ءتىڭ جازۋىنشا، بۇل تۋرالى ەەك ءباسپاسوز قىزمەتىنىڭ حابارلاماسىندا ايتىلادى.

بۇدان بۇرىن حابارلانعانداي، كەشە، 5 تامىزدا قازاقستان رەسپۋبليكاسى قىرعىزستاننىڭ ەاەو-عا قوسىلۋى تۋرالى شارتتى راتيفيكاتسيالاۋ ءراسىمىن اياقتادى.

ەاەو-عا قىرعىزستاننىڭ قوسىلۋى تۋرالى شارتتىڭ 11-بابىنا سايكەس ديپلوماتيالىق ارنالار ارقىلى ەاەو-عا مۇشە مەملەكەتتەردىڭ مەملەكەتىشىلىك راسىمدەردى ورىنداعانى تۋرالى سوڭعى حابارلامانى العان كۇنى بۇل شارت كۇشىنە ەنەدى. وسى كەزدەن باستاپ قىرعىز رەسپۋبليكاسى ەاەو-نىڭ تولىققاندى مۇشەسى.

اتاپ ايتقاندا، "مەملەكەتتىك شەكارانىڭ قىرعىز-قازاق ۋچاسكەسىندە كەدەندىك باقىلاۋدىڭ كۇشىن جويۋ تۋرالى" ەۋرازيالىق ەكونوميكالىق وداقتىڭ 2015 جىلعى 8 مامىرداعى شەشىمى مەملەكەتتىك شەكارانىڭ قىرعىز-قازاق ۋچاسكەسىندەگى كەدەندىك باقىلاۋدىڭ كۇشىن جويۋ قىرعىز رەسپۋبليكاسىنىڭ ەاەو-عا كىرۋى تۋرالى شارت كۇشىنە ەنگەن كۇننەن باستاپ ىسكە قوسىلاتىنى كوزدەلگەن، دەپ حابارلاعان كيرتاگ.

اباي-اقپارات