پرەزيدەنت نۇرسۇلتان نازارباەۆ قىرعىزستاننىڭ ەۋرازيالىق ەكونوميكالىق وداققا (ەاەو) ءوتۋى تۋرالى كەلىسىمنىڭ راتيفيكاتسياسىنا قول قويدى، - دەپ حابارلايدى قىرعىزستان ۇكىمەتىنىڭ ءباسپاسوز قىزمەتىنە سىلتەمە جاساعان tengrinews.kz

قازاقستان قىرعىزستاننىڭ ەاەو قۇرامىنا كىرۋ تۋرالى كەلىسىمشارتتى راتيفيتسيالاعان سوڭعى مەملەكەت. بۇعان دەيىن بۇل قۇجاتتى ارمەنيا، بەلارۋس جانە رەسەي راتيفيكاتسيالادى.

قىرعىزستان ەكونوميكا ءمينيسترى ولەگ پانكراتوۆتىڭ ايتۋىنشا، ەاەو-نىڭ كوميسسياسى قازاقستاننان قىرعىزستاننىڭ ەۋرازيالىق ەكونوميكالىق وداققا كىرۋىن راتيفيكاتسيالايتىن بارلىق قۇجاتتاردى العاننان كەيىن عانا شەكارانىڭ اشىلاتىنىن ايتتى. ونىڭ ايتۋىنشا، قۇجاتتار استانادان ماسكەۋگە ەلشىلىك پوشتاسى ارقىلى جىبەرىلەدى. "مەنىڭشە، ەۋرازيالىق كوميسسيا ونى ەكى-ءۇش كۇن شاماسىندا الادى", - دەدى مينيستر.

ايتا كەتسەك،  8 مامىردا قىرعىزستان ەۋرازيالىق ەكونوميكالىق وداق قۇرامىنا كىردى. سايكەس قۇجاتقا وداققا مۇشە ەلدەردىڭ باسشىلارى قول قويدى.

اباي-اقپارات