ەلباسى ن.نازارباەۆتىڭ بەس ينستيتۋتتىق رەفورماسىن جۇزەگە اسىرۋعا باعىتتالعان «100 ناقتى قادامنان» تۇراتىن ۇلت جوسپارى ەلiمiزدi دامۋدىڭ جاڭا دەڭگەيiنە كوتەرۋدi كوزدەيدi. سوندىقتان وسىناۋ ماڭىزدى تاريحي قۇجاتتا مەملەكەتتiك باسقارۋ مەن قۇقىق قورعاۋ، سوت جۇيەلەرiن جەتiلدiرۋگە باعىتتالعان قادامدارمەن قاتار ەكونوميكانى وركەندەتۋدi ماقسات ەتكەن شارالار دا قاراستىرىلعان. ماسەلەن، ۇلت جوسپارىندا اۋىل شارۋاشىلىعى سالاسىنىڭ ءسۇت جانە ەت ءوندiرiسi مەن وڭدەۋدi دامىتۋ تاپسىرماسى ناقتى كورسەتiلگەن. اتالعان تاپسىرمانى ورىنداۋ ماقساتىندا وبلىستىق اۋىل شارۋاشىلىعى باسقارماسى تاراپىنان   سالانىڭ ەكونوميكالىق ءوسiمiن ارتتىرۋ بويىنشا جۇمىس جوسپارلى تۇردە جۇرگiزiلۋدە دەپ حابارلايدى Abai.kz اقپاراتتىق پورتالىنا وڭتۇستىك قازاقستان وبلىستىق اۋىل شارۋاشىلىعى باسقارماسى باسشىسىنىڭ ورىنباسارى پولاتباي تاستانوۆ .

اتاپ ايتقاندا، وبلىس بويىنشا بيىل مال شارۋاشىلىعى سالاسىندا وندiرiلەتiن ءونiم كولەمiن 5,1 پايىزعا ارتتىرۋ مەجەلەنگەن. وبلىس اكiمدiگi, اۋىل شارۋاشىلىعى باسقارماسى جانە اۋدان اكiمدiكتەرi اراسىنداعى ءۇش جاقتى كەلiسiمگە سايكەس، ءسۇت ءوندiرۋ كولەمiن 727,9 مىڭ تونناعا جەتكiزۋ جوسپارلانۋدا. وسى ماقساتتا وڭiردە جاڭادان 516 وتباسىلىق شاعىن ءسۇت فەرمالارىن قۇرىپ، 41 ءسۇت قابىلداۋ بەكەتi اشىلادى. اتالعان جوبالاردى قارجىلاندىرۋعا   «وقو بويىنشا مال شارۋاشىلىعىن دامىتۋ iس-شاراسى» باعدارلاماسىنا سايكەس 1 ميلليارد 903,6 ميلليون تەڭگە قاراستىرىلىپ، 5 160 باس iرi قارا مال الىنىپ، قوسىمشا 24,6 مىڭ توننا ءسۇت ساۋىلماق. وسىلايشا وبلىستاعى ءسۇت وڭدەۋ كاسiپورىندارىنىڭ قۋاتتىلىعى جىلىنا قوسىمشا 8 850 تونناعا ارتتىرىلادى. 2015–2016 جىلدارى ءسۇت وڭدەۋ بويىنشا جاڭادان «اگرو 5»، (قۋاتتىلىعى جىلىنا 990 توننا), «مولوچنىي راي» (قۋاتتىلىعى جىلىنا 5600 توننا) سەكiلدi كاسiپورىندار iسكە قوسىلماق.

ءۇش جاقتى كەلiسiمگە سايكەس وبلىستا اعىمداعى جىلى 206,3 مىڭ توننا ەت ءوندiرۋ جوسپارلانۋدا. «وقو بويىنشا مال شارۋاشىلىعىن دامىتۋ iس-شاراسى» باعدارلاماسىنا سايكەس، جاڭادان 2 735 شاعىن مال بورداقىلاۋ الاڭى iسكە قوسىلىپ، بورداقىلاۋعا 32 820 باس iرi قارا ساتىپ الىنادى. وسى ماقساتتا شارۋالارعا 5,4 ملرد. تەڭگە نەسيە بەرiلمەك. ناتيجەسiندە وبلىستا قوسىمشا 14,8 مىڭ توننا ەت وندiرiلەدi دەپ كۇتiلۋدە. توقتالا كەتەيiك، كەلەر جىلى بۇعان دەيiن مال بورداقىلاۋمەن اينالىسىپ كەلگەن «قايىپ اتا» جشس-i ەت وڭدەيتiن كاسiپورىن اشادى. ونىڭ قۋاتتىلىعى جىلىنا 1000 توننا بولادى دەپ جوسپارلانۋدا.

«مال تۇياعى – قازىنا» دەيدi حالقىمىز. مال باعۋ قازاقتىڭ ەرتەدەگi اتا كاسiبi. ححI عاسىردا شارۋاشىلىقتىڭ بۇل ءتۇرi بۇرىنعىدان دا قاجەتتi ءارi تيiمدi بولىپ وتىر. ويتكەنi, حالقى تىعىز ورنالاسقان، جەر اۋماعى سالىستىرمالى تۇردە شەكتەۋلi cانالاتىن الىس-جاقىن شەت مەملەكەتتەردە ازىق-تۇلiك قاۋiپسiزدiگi ەڭ وزەكتi ماسەلەگە اينالا باستادى. وسى ۇرىمتال ءساتتi پايدالانىپ، مال شارۋاشىلىعىن ۋاقىت تالابىنا ساي دامىتا الساق، اسىعىمىز الشىسىنان تۇرماق. ەلباسىنىڭ وسىناۋ تاريحي قۇجاتتا ەت جانە ءسۇت وندiرiسiنە ەرەكشە توقتالۋىنىڭ ءمانi وسىندا جاتىر. قورىتا ايتقاندا، وبلىستا ۇلت جوسپارىنىڭ 60, 61-قادامدارىن جۇزەگە اسىرۋ بويىنشا جوعارىدا بايانداعانىمىزداي، اۋقىمدى جۇمىستار اتقارىلۋدا.

 اباي-اقپارات