ەكى جارىم جىل ىشىندە قازاقستاندا  1250 شاقىرىمداي تەمىر جول سالىنعان. ونىڭ ىشىندە «جەزقازعان-بەينەۋ»، «ارقالىق-شۇباركول» جەلىسى بار. اينالما جولدار مەن ىركىلىس بۇرىلىستار ارتتا قالىپ، ەلدىڭ وڭتۇستىگى مەن سولتۇستىگى، باتىسى مەن شىعىسىنىڭ اراسى ءبىرتالاي جاقىنداي ءتۇستى. قازاقستان تەمىر جولشىلارى جولاۋشى تاسىمالىنا دا جاۋاپپەن قارايدى. الداعى 5 جىلدا ەسكى-قۇسقى پوەزداردىڭ بارلىعى دەرلىك جاڭارتىلماق. بۇل تۋرالى حابار ارناسى حابارلايدى.

“بۇرىن الماتىعا قاتىنايتىن ەل-جۇرت رەسەي ەلىنىڭ شەكاراسى ارقىلى ەكى تاۋلىكتەن استام جولدا جۇرسە، بۇگىندە 15-16 ساعاتتا وڭتۇستىك استاناعا جەتەدى”، – دەيدى «دوسجان تەمىر جولى» اق باسقارما توراعاسى  مۇرات قوقاەۆ.

سونداي-اق بيلەت باعالارى دا ارزانداپ، جەڭىلدىكتەر جاسالماق.

“نەعۇرلىم جولاۋشى ەرتە ساتىپ السا، بيلەتتى 35 پايىزعا دەيىن جەڭىلدىكتى پايدالانۋعا بولادى. ودان بولەك، بىزدە بىرنەشە جەڭىلدىكتى كارتوچكالار بار. 16-25 كە دەيىنگى جاستارعا 10 پايىز جەڭىلدىك بولسا بيىلعى 1 تامىزدان باستاپ 30 پايىزعا كوتەرىلدى”، – دەيدى «قازاقستان تەمىر جولى ۇك» جولاۋشىلار تاسىمالى» اق ءبولىم باسشىسى اۋباكىر سمايىلوۆ. سونىمەن قاتار ول زەينەتكەرلەرگە دە جەڭىلدىكتەر جاسالاتىنىن ايتىپ، ەلىمىزدە 12 جۇردەك پويىز جۇرەتىنىن حابارلادى.

اباي-اقپارات