2015 جىلدىڭ 27 شىلدەسىندە جەنەۆادا قر پرەزيدەنتى نۇرسۇلتان نازارباەۆ پەن دسۇ باس ديرەكتورى روبەرتو ازەۆەدونىڭ قاتىسۋىمەن قازاقستاننىڭ اتالعان ۇيىمعا رەسمي تۇردە كىرۋ سالتاناتى وتەدى. بۇل تۋرالى Bnews.kz حابارلادى.

«27 شىلدە كۇنى دسۇ-دا قازاقستاننىڭ بۇل ۇيىمعا رەسمي تۇردە كىرۋ سالتاناتى وتەدى. بۇگىن پرەزيدەنت ن.نازارباەۆ جەنەۆاعا كەلەدى»، - دەپ جازدى ءوزىنىڭ تۆيتتەردەگى پاراقشاسىندا قر سەناتىنىڭ سپيكەرى قاسىم-جومارت توقاەۆ.

«27 شىلدە كۇنى قر پرەزيدەنتى نۇرسۇلتان نازارباەۆ پەن روبەرتو ازەۆەدونىڭ قاتىسۋىمەن قازاقستاننىڭ دسۇ-عا كىرۋى تۋرالى ءباسپاسوز ءماسليحاتى وتەدى»، - دەپ حابارلانعان دسۇ رەسمي سايتىندا.

ايتا كەتسەك، اتالعان ۇيىم – 1995 جىلدىڭ 1 قاڭتارىندا رەسمي تۇردە جۇمىسىن باستادى. شتاپ-پاتەرى جەنەۆادا ورنالاسقان.

اباي-اقپارات