ەكس-پرەمەر-مينيستر سەرىك احمەتوۆكە، وبلىستىڭ ەكس-اكىمى باۋىرجان ابدىشەۆكە، قاراعاندى قالاسىنىڭ ەكس-اكىمى مەيرام سماعۇلوۆقا جانە باسقا دا وبلىس اكىمشىلىگى مەن كوممەرتسيالىق ۇيىمداردىڭ قىزمەتكەرلەرىنە قاتىستى قىلمىستىق ءىس ماتەريالدارىن تەكسەرۋ اياقتالدى. بۇل تۋرالى قاراعاندى وبلىسىنىڭ پروكۋراتۋراسى حابارلاپ وتىر.  

پروكۋراتۋرا حابارلاماسىندا، ەكس-پرەمەرمەن بىرگە 21 ادامعا قىزمەت بابىن اسىرا پايدالانعان، بيۋدجەت قاراجاتىن ۇرلاعان جانە كاسىپكەرلىك قىزمەتكە زاڭسىز ارالاسقان دەگەن ايىپتار  تاعىلعان.

بۇل ءىس بۇگىن قاراعاندى وبلىسىنىڭ قىلمىستىق ىستەر بويىنشا مامانداندىرىلعان اۋدانارالىق سوتىنا جىبەرىلدى.

ەستەرىڭىزگە سالا كەتەيىك، 2014 جىلى 19 قاراشادا مەملەكەتتىك قىزمەت جانە كوررۋپتسيامەن كۇرەس ىستەرى جونىندەگى اگەنتتىك سەرىك احمەتوۆتى ۇيقاماققا العان بولاتىن.

اباي-اقپارات