قىتايدا قازاقتىڭ ۇلى اقىنى اباي قۇنانبايۇلىنىڭ تۋعانىنا 170 جىل تولۋىنا ارنالعان شارالار ءوتتى.  بەيجىڭدە العاش رەت وتكىزىلىپ وتىرعان اباي وقۋلارىنا تانىمال قىتايلىق جانە قازاقستاندىق قوعام قايراتكەرلەرى، سونىمەن قاتار جەرگىلىكتى قازاق دياسپوراسىنىڭ وكىلدەرى قاتىسقان. بۇل تۋرالى حابار ارناسى حابارلادى. 

قىتاي استاناسىنداعى ەڭ كورىكتى ساياباقتاردىڭ ءبىرى چاوياڭدا اباي ەسكەرتكىشى 2012 جىلى ورناتىلعان بولاتىن. بۇگىندە بۇل جەر بەيجىڭدەگى قازاقتار ءجيى سەرۋەندەپ، رۋحاني دەمالاتىن جەرگە اينالعان. الدىمەن شارا اباي ەسكەرتكىشىنە گۇل شوقتارىن قويۋدان باستالدى. سودان كەيىن قازاق جانە قىتاي  اقىندارىنىڭ ولەڭدەرى وقىلدى.

ەل بولاشاعى جاستاردى كەمەل كەلەشەككە باستايتىن قاينار بۇلاق – اباي مۇراسى. 

قىتايداعى قازاق ءتىلدى سايتتار دا حاكىم ابايدىڭ 170 جىلدىعى تۋرالى جارىسا جازدى.

اباي قۇنانبايۇلى 1845 جىلى 10 تامىزدا تۋىلىپ، 1904 جىلى 6 شىلدەدە ومىردەن وتكەن.

اباي-اقپارات