ەلباسى تەلەكوپىر ارقىلى ەل قاجەتىن وتەيتىن 10 جاڭا نىساندى اشۋ بارىسىندا ەلگە جاڭا يميدج قالىپتاستىرۋ تۋرالى بىرقاتار ويلارىمەن ءبولىستى:

ء"بىز باسقالاردان ەرەكشەلەنۋىمىز كەرەك. مىسالى، فرانتسيانى ايەلدەرگە ارناپ شىعاراتىن اتىرلەرى جانە جاقسى شاراپتارى ارقىلى ءبارى بىلەدى. جاپوندار ۋىلدىرىق جەمەيتىن قازاققا شيكى بالىق جەگىزدى. 20 جىل بۇرىن قازاقتار قاشان شيكى بالىق جەگەن ەدى؟ نيدەرلاندى - قىزعالداعىمەن. ءبىز بۇل ەلدەردى باسقا جاقتارىنان ەمەس، ءدال وسى ەرەكشەلىكتەرى ارقىلى بىلەمىز. نەگە بىزگە بۇل تۋرالى ويلانباسقا؟", - دەدى پرەزيدەنت.

نازارباەۆ جاقىن ارادا ميلانداعى كورمەدە بولعانىن، وندا قازاقستاندىق اپورتتى تانىستىرعانىن ايتىپ ءوتتى. "مەن ميلاندا بولدىم، ولاردىڭ باعدارلامالارى تاماققا نەگىزدەلگەن. ءبىزدىڭ اگرارلىق قىزمەتكەرلەر سالماعى 1 كەلى بولاتىن اپورتتى كورسەتتى. بارلىعى شىن با، جاساندى ما دەپ ءبىزدى اينالشىقتاپ ءجۇردى. قازاقستاننىڭ المانىڭ اتاسى ەكەنىن بارلىعى بىلەدى. قازاقستاننان قازىر نيگەريادا، موروككودا ءوسىرىلىپ، الەمگە ساتىلىپ جاتقان قىزعالداق شىققان. ء"بىز تاس پەن قۇمنان تۇراتىن ءيزرايلدىڭ قۇلپىنايىن جەپ وتىرمىز", - دەدى ول.

"بىزگە جاسامپاز، جاڭا ويلار جەتىسپەيدى. ادامدا اۋەلى يدەيا تۋىندايدى، كەيىن الەمدە نە بارىن ارحيمەد سياقتى ويلانا باستايدى. سوسىن وندىرىسكە كىرىسەدى. بىزگە مۇندايدى لەوناردو دا ۆينچي ۇيرەتتى. ءبىز نەلىكتەن عىلىمدى دامىتىپ، ۋنيۆەرسيتەتەر مەن مەكتەپتەردەن دارىنداردى ىزدەيمىز؟ مەن جاستارعا جاڭا نارسە تابۋعا كەڭەس بەرەمىن", - دەدى نازارباەۆ.

ونىڭ ايتۋىنشا، قازاقستاندىق برەند جاساۋ كەرەك.

ء"بىز قانداي دا ءبىر قازاقستاندىق برەند ويلاستىرۋىمىز كەرەك. جاپونيا كۇنشىعىس ەلى، كورەيا تاڭعى بالعىندىق ەلى، نيدەرلاندى - قىزعالداقتار ەلى، قىتاي- اسپاناستى ەلى اتانعان. شەكسىز دالادا، ماڭگىلىك كوك اسپاندا ءبىزدىڭ اتا-بابامىز ءومىر سۇرگەن. ءتاڭىر - اسپان. جاسىل دالا مەن كوك اسپان ءبىزدىڭ تۋىمىزدا دا بەينەلەنگەن. ءبىز ۇلى دالانىڭ بالالارىمىز. ءدال وسى ۇرانمەن جانە جاڭا برەندپەن ءبىز قازاقستاندى الەمگە تانىتۋىمىز كەرەك", - دەدى مەملەكەت باسشىسى.

اباي-اقپارات