يۋنەسكو-نىڭ ءباسپاسوز قىزمەتىنىڭ حابارلاۋىنشا، بۇل تۋرالى شەشىم 2 جەلتوقساندا ناميبيانىڭ ۆيندحۋك قالاسىندا وتكەن يۋنەسكو-نىڭ ماتەريالدىق ەمەس مادەني مۇرالاردى قورعاۋ كوميتەتىنىڭ وتىرىسىندا قابىلدانعان.

قازاق پەن قىرعىز حالىقتارىندا ايتىس - توپ الدىندا تابان استىندا سۋىرىپ سالىپ ايتىلاتىن، كوبىنەسە دومبىرامەن سۇيەمەلدەنەتىن ءسوز سايىسى، جىر جارىسى. ايتىس كوبىنەسە جيىن، توي، اس سياقتى حالىق كوپ جينالاتىن جەردە ۇيىمداستىرىلادى. ايتىستىڭ تاقىرىبىن تىڭداۋشىلار تاڭدايدى. ايتىس جەڭىمپازىن نەگىزىنەن تىڭداۋشىلار انىقتايدى.

قازاقستاننان بۇعان دەيىن دومبىرادا كۇي تارتۋ مەن كيىز ءۇي جاساۋ ونەرى يۋنەسكو-نىڭ ماتەريالدىق ەمەس مادەني مۇرالارى تىزىمىنە ەنگەن. 

اباي-اقپارات