وڭتۇستىك قازاقستان پوليتەحنيكالىق كوللەدجىنىڭ ديرەكتورى، وبلىستىق ءماسليحاتتىڭ دەپۋتاتى امانگەلدى سوپبەكوۆ «جىلدىڭ قايىرىمدى ادامى» اتاندى.

بۇل ماراپاتتىڭ نەگىزى مەن ماڭىزىن وقىرماندارىمىزدىڭ ەسىنە تۇسىرە كەتەلىك. «باۋىرجان» قايىرىمدىلىق قورىنىڭ باستاماسىمەن مەتسەناتتىق جانە قايىرىمدىلىق يدەيالارىن ناسيحاتتاۋ ماقساتىندا «التىن جۇرەك» ۇلتتىق قوعامدىق سىيلىعى 2007 جىلى تاعايىندالعان بولاتىن. اتالمىش سىيلىق تاپسىرىلا باستاعان كەزدەن بەرى 100-دەن اسا مەكتەپ، 300 سپورت جانە ويىن الاڭدارى، 70 بالالار باقشاسى بوي كوتەرىپ، ون مىڭداي ادامنىڭ ءومىرى قۇتقارىلعان. مەتسەناتتار مەن قايىرىمدى ازاماتتاردىڭ ەڭبەگى ساراپتالىپ، جىل سايىن 11 نوميناتسيا بويىنشا ماراپاتتالادى.

وڭتۇستىك ءوڭىرىنىڭ ابزال ازاماتى امانگەلدى سوپبەكوۆ «باۋىرجان» قايىرىمدىلىق قورىنىڭ قوعامدىق جانە ساراپشىلىق كەڭەسىنىڭ شەشىمىمەن، بيىل 9 رەت وتكىزىلىپ وتىرعان «التىن جۇرەك» سىيلىعىنىڭ «جىلدىڭ قايىرىمدى ادامى» نوميناتسياسى بويىنشا ماراپاتتالىپ وتىر. بۇل ورايدا ساراپشىلار ا.سوپبەكوۆتىڭ تابيعي اپاتقا ۇشىراعان ەلدى مەكەندەرگە بەرگەن كومەگى ءۇشىن، عارىپ جاندار مەن جەتىمدەرگە، سونداي-اق، سارىاعاش اۋدانى ەڭبەك ارداگەرلەرى مەن تۇرعىندارىنىڭ ءومىر ءسۇرۋ جاعدايىن جاقسارتۋعا قارجىلاي قولداۋ كورسەتكەنى ءۇشىن ماراپاتتالعانىن مالىمدەدى.

قايىرىمدىلىق - كومەكتى قاجەت ەتۋشىلەرگە (ادام جانە بارلىق جاندىلارعا) بىلدىرىلەتىن سۇيىشپەنشىلىك پەن ناقتى كومەك. قايىرىمدىلىق ىزگىلىكتىڭ انىق كورىنىسى بولىپ تابىلادى.

قايىرىمدىلىق— ادامنىڭ اسىل قاسيەتتەرىنىڭ ءبىرى. كىسىنىڭ اينالاسىنداعى ادامدارعا دەگەن ىقىلاسى مەن كومەگىن ادامگەرشىلىك قارىم-قاتىناستارىن بىلدىرەدى. قايىرىمدىلىق ۇعىمىنىڭ ەكى قىرى بار.

ءبىرى — رۋحاني-ەكونوميكالىق جاعى (باسقانىڭ باسىنا تۇسكەن اۋىرتپالىقتى قابىلداۋ),

ەكىنشىسى — ءىس-تاجىريبەلىك جاعى ء(ىس جۇزىندە ناقگى كومەك بەرۋگە ءۇمتىلۋ).

سونداي-اق، قايىرىمدىلىق ەتيكالىق جانە ينتەللەكتۋالدىق بولىپ تا بولىنەدى. ەتيكالىق قايىرىمدىلىققا ۇستامدىلىق، باتىلدىق، جومارتتىق، ادىلدىك جاتادى. ال ينتەللەكتۋالدىق قايىرىمدىلىققا دانالىق، پاراسات، اقىل-وي تاپقىرلىعى مەن وتكىرلىگى سەزىمتالدىق جاتادى. ادام ءوز ۇرپاعىنا قايىرىمدىلىقتى جاستايىنان ۇيرەتىپ، ادامگەرشىلىك قاسيەتتەرگە باۋلۋعا ۇمتىلادى. بىرەۋگە جاقسىلىق، جان-جانۋارلارعا، تابيعاتقا كامقورلىق جاساۋ — قايىرىمدىلىقتىڭ كورىنىسى. راقىمدى، مەيىرىمدى، جان جىلۋى مول ادامدى قايىرىمدى ادام دەيدى. ال ەشكىمگە جانى اشىمايتىن، جۇرەگىنىڭ جىلۋى جوق، قاتىگەز ادامدى قايىرىمسىز دەپ اتايدى. قايىرىمدىلىقتى - مۇسىركەۋشىلىك جانە جارىلقاۋشىلىق دەپ تە تۇسىنۋگە بولادى. ول كەيدە كەدەيكەپشىك، جارلى-جاقىباي جاندارعا كومەكتەسۋمەن، قايىرساداقا بەرۋمەن دە كورىنىس تابادى. قازىر ءبىزدىڭ ەلىمىزدە ءتۇرلى قايىرىمدىلىق قورلارى ۇيىمداستىرىلعان، قايىرىمدىلىق ءىس-شارالارى وتكىزىلىپ تۇرادى.

سونداي ءىس-شارالاردىڭ ءبىرى «جىلدىڭ قايىرىمدى ادامى» نوميناتسياسى بويىنشا وڭتۇستىك ءوڭىرىنىڭ ابزال ازاماتى امانگەلدى سوپبەكوۆ «باۋىرجان» قايىرىمدىلىق قورىنىڭ قوعامدىق جانە ساراپشىلىق كەڭەسىنىڭ شەشىمىمەن، بيىل 9 رەت وتكىزىلىپ وتىرعان «التىن جۇرەك» سىيلىعىنىڭ ماراپاتىنا يە بولىپ  وتىر.

Abai.kz