بۇگىن الماتى قالاسىنداعى امەريكا قۇراما شتاتتارىنىڭ باس كونسۋلى مارك مۋدي مىرزا رەسمي ساپارمەن وڭتۇستىك قازاقستان وبلىسىنا كەلدى. كەزدەسۋ بارىسىندا جوعارى مارتەبەلى قوناق وڭتۇستىك قازاقستان وبلىسى اكىمى ب.اتامقۇلوۆپەن كەزدەسىپ، ەكىجاقتى ىنتىماقتاستىقتى نىعايتۋ ماسەلەلەرىن تالقىلاپ، ولارعا ءبىزدىڭ ءوڭىردىڭ ينۆەستيتسيالىق مۇمكىندىكتەرى ۇسىنىلدى. كەزدەسۋ بارىسىندا وقو-نىڭ مەديتسينا مەكەمەلەرىندەگى قىزمەتكەرلەردىڭ بىلىكتىلىگىن ارتتىرۋ ماسەلەسى دە بولدى. امەريكاندىق تاراپ وڭتۇستىكقازاقستاندىق دارىگەرلەردى ونكولوگيالىق، كارديولوگيالىق جانە نەۆرولوگيالىق اۋرۋلاردى، سونىمەن قاتار بالالاردىڭ مي سالدانۋى اۋرۋلارىن زاماناۋي ەمدەۋ تاسىلدەرىمەن تانىستىرۋ ماقساتىندا اقش-تىڭ جەتەكشى ۋنيۆەرسيتەتتەرى مەن زەرتحانالارىندا تاجىريبەدەن وتكىزۋگە ىقپال ەتۋگە دايىن ەكەندىگىن حابارلادى. سونىمەن قاتار، ءوڭىر باسشىسى ءبىلىم بەرۋ سالاسىنا ءىت تەحنولوگيانى ەندىرىپ، ونى قالا مەن اۋىل مەكتەپتەرىندە قولجەتىمدى ەتۋ وبلىس باسشىلىعىنىڭ باستى ماقساتتارىنىڭ ءبىرى بولىپ تابىلاتىنىن اتاپ ءوتتى. كەزدەسۋ ناتيجەسى بويىنشا م.مۋدي امەريكان دەلاگاتسياسىنىڭ اتىنان قوناقجاي وڭىرىمىزگە العىسىن ءبىلدىرىپ، وقو-نىڭ ينۆەستيتسيا تارتۋ مۇمكىندىگىن باعالادى. وبلىسقا ءىس-ساپار اياسىندا، امەريكاندىق دەلەگاتسيا نازارباەۆ زياتكەرلىك مەكتەبىندە «بىرىككەن ۇلتتار ۇيىمىنىڭ مودەلى» اتتى كونفەرەنتسياعا قاتىسۋدى جوپارلاۋدا.

وڭتۇستىككە ارنايى كەلگەن اقش كونسۋلىمەن شىمكەنت قالاسىنىڭ اكىمى دە جەكەلەگەن كەزدەسۋلەر وتكىزگەن. شىمكەنت قالاسىنىڭ اكىمى عابيدوللا ءابدىراحىموۆ امەريكا قۇراما شتاتتارىنىڭ الماتىداعى باس كونسۋلى مارك مۋدي، ساياسات جانە ەكونوميكا ءبولىمىنىڭ كونسۋلى تيموتي پ. و’ كوننورمەن كەزدەستى. قوس تاراپ اڭگىمەلەسۋ بارىسىندا ەكى ەل اراسىنداعى ىنتاماقتاستىق پەن ءوزارا ارىپتەستىك قارىم-قاتىناس تۋرالى پىكىرلەسىپ، وي ءبولىستى. كەزدەسۋدە قالا اكىمى امەريكالىق دەلەگاتتارعا جاڭا زامان تالابىنا ساي قۇرىلاتىن «Shymkent سity» زاماناۋي تۇرعىن-ءۇي اۋدانىنىڭ جوبالىق سىزباسىمەن تانىستىردى. 
امەريكالىق قوناقتار شاھاردىڭ بولاشاق ەكونوميكالىق دامۋ باعىتىنا وڭ باعا بەرىپ، قالانىڭ 2020 جىلدارعا ارنالعان دامۋ تۇجىرىمداماسىنداعى بىرقاتار جوبالارعا قىزىعۋشىلىق تانىتتى. باس كونسۋل مارك مۋدي قوس ەلدىڭ بىرلەسكەن ىسكەرلىك جوبالارى تەك ەكونوميكالىق تۇرعىدان عانا ەمەس، الەۋمەتتىك جاعىنان دا ۇلكەن مانگە يە ەكەندىگىن ايتىپ ءوتتى. قالا باسشىسى شاھاردىڭ ءبىلىم سالاسىنداعى جەتىستىكتەرىنە توقتالىپ، الەمدىك ەكونوميكاداعى ىسكەرىك قارىم-قاتىناستاردا كەڭىنەن قولدانىلاتىن اعىلشىن ءتىلىنىڭ ءبىلىم ۇيالارىندا تەرەڭدەتىپ وقىتىلۋى كەرەكتىگىن ايتىپ ءوتتى. ءوز كەزەگىندە، قوناقتار قالادا بوي كوتەرەتىن حالىقارالىق ۇلگىدەگى اكۆاپارك پەن «ديسنەي لەند» جوباسىنا ءوز تاراپىنان قاتىسۋعا دايىن ەكەندىگىن جەتكىزدى.

وقو اكىمىنىڭ ءباسپاسوز قىزمەتى