الماتى قالاسىنىڭ ناۋرىزباي اۋدانىندا لاي كوشكىنى ءۇيدى باسىپ قالعان. قر ءىىم تجك ءباسپاسوز قىزمەتى الماتى قالاسىندا باعباندار قوعامىندا بولعان لاي كوشكىنى تۋرالى اقپارات تاراتقان. بۇل تۋرالى nur.kz سايتى جازادى.

ۆەدومستۆونىڭ مالىمەتتەرىنە سۇيەنسەك، 30 قاراشا كۇنى 23:49-دا الماتى قالاسىنىڭ ناۋرىزباي اۋدانىندا «الما» باعباندار قوعامىنا تيەسىلى جەر تەلىمدەرىنىڭ بىرىندە لاي كوشكىنى ورىن العان.

وقيعا ورنىنا كەلگەن الماتى قالالىق تجد قىزمەتكەرلەرى سۋ قۇبىرى جارىلىپ، توپىراقتىڭ ىلعالدانۋىنا سەبەپ بولعانىن انىقتادى. لاي ماسساسىنىڭ كولەمى 120 تەكشە مەتردى قۇرايدى.

وقيعا سالدارىنان ساياجايداعى ەكى قاباتتى ءۇيدىڭ شاتىرى جانە ءۇي اۋلاسىندا تۇرعان «ۆولگا» اۆتوكولىگى زاقىمداندى. جاپا شەككەندەر مەن قۇربان بولعاندار جوق.

«قازسەلدەنقورعاۋ» مەكەمەسىنىڭ تەحنيكاسىمەن ساعات 2.28 شاماسىندا جۇرەتىن جول تازالاندى. سۋ بەرۋ توقتاتىلدى. وقيعانىڭ قايتالانۋ قاۋپى جوق.

قاۋىپسىزدىك رەتىندە جاقىن ماڭداعى ۋچاسكەەلردىڭ 5 تۇرعىنى قاۋىپسىز جەرگە كوشىرىلدى. وقيعا ورنى «قازسەلدەن قورعاۋ» مم مەن تج ءبولىمىنىڭ قىزمەتكەرلەرىنىڭ باقىلاۋىندا.

Abai.kz