سىزدەردى 1 جەلتوقسان – قازاقستان رەسپۋبليكاسى تۇڭعىش پرەزيدەنتى كۇنى مەرەكەسىمەن شىن جۇرەكتەن قۇتتىقتايمىز!

بۇل كۇن – بارشا وتانداستارىمىزدى ىنتىماق پەن بىرلىككە باستايتىن كۇن. قازاقستان مەملەكەتتىلىگىنىڭ نەگىزىن قالاۋشى – ەلىمىزدىڭ تۇڭعىش پرەزيدەنتى ن. ءا. نازارباەۆتىڭ جان-جاقتى سارالانعان ىشكى جانە سىرتقى ساياساتىنىڭ ارقاسىندا ەلىمىز دامۋدىڭ ىلگەرىلەۋ مەن وركەندەۋ جولىمەن كەلەدى. قازاقتا: «تاريحتى تۇلعالار جاسايدى»، دەگەن ءسوز بار. ءار ۇلتتىڭ وزىندىك تاريحىن قالىپتاستىرعان ۇلى تۇلعالار بولادى. ولار قانشاما ۋاقىت وتسە، سول ۇلتتىڭ داناسى رەتىندە ساناعا بەكىپ، ادامزاتتىڭ ورتاق ازاماتىنا اينالادى. بۇل رەتتە، ەگەمەن قازاقستاننىڭ نەگىزىن سالۋدىڭ جانە نىعايتۋدىڭ تاريحي ميسسياسى ەلباسى نۇرسۇلتان

نازارباەۆقا تيەسىلى. تاۋەلسىز مەملەكەتتىڭ نەگىزىن قالاۋشى پرەزيدەنت بارشا قازاقستاندىق مويىنداعان جانە حالىقارالىق قوعامداستىق تاراپىنان قۇرمەتكە يە بولعان كەمەڭگەر تۇلعا.

ەلباسى شىمكەنتتىڭ دە بولاشاعىن ايقىنداپ بەردى. قالانى ميلليون حالقى بار، ساۋلەتى مەن داۋلەتى كەلىسكەن، تۇرعىندارعا جايلى مەگاپوليسكە اينالدىرۋ بويىنشا بىرقاتار مىندەتتەر جۇكتەگەنى ءمالىم. مادەنيەت پەن ونەرىمىزدى، ءبىلىم مەن عىلىمدى، ونەركاسىپ پەن بيزنەسىمىزدى دامىتۋ ارقىلى ءبىز بۇل ماقساتقا جەتەتىن بولامىز.

ءاربىر ءىسساپارىندا مەملەكەت باسشىسى قالامىزدىڭ دامۋىنا ەرەكشە ءمان بەرىپ، جارقىن بولاشاعىنا ۇلكەن سەنىم ارتىپ كەلەدى. سەنىم ۇدەسىنەن شىعۋ ماقساتىندا اۋقىمدى ىستەر اتقارىلىپ، قالامىزدىڭ دامۋىنا باعىتتالعان جاڭا جوبالار جاسالدى.

قادىرلى جەرلەستەر!

1 جەلتوقسان – ءبىزدىڭ تاريحىمىزدىڭ جاڭا اق پاراعى اشىلعان كۇن. تاۋەلسىزدىكتى تۇعىرىنا قوندىرعان، ەلدى ەرلىككە جەتكىزگەن ۇلت كوشباسشىسى 1 جەلتوقساندا ەل تىزگىنىن ۇستادى. وسى كۇنى پرەزيدەنتتىك ينستيتۋتقا قادام باستىق. تۇڭعىش پرەزيدەنتتىڭ باستامالارىنا قولداۋ جاساي وتىرىپ، ەلىمىز كوپ بيىكتى باعىندىردى. مەملەكەتىمىزدىڭ الەم ەلدەرى اراسىنداعى ابىرويى ۋاقىت ساناپ ارتىپ كەلەدى. مۇنىڭ بارلىعى دا بۇگىنگى تاۋەلسىزدىگىمىزدى تۇعىرلى ەتۋ جولىنداعى تۇڭعىش پرەزيدەنتىمىز – ەلباسىنىڭ ەسەلى ەڭبەگىنىڭ، كورەگەن جاسامپازدىعىنىڭ جەمىسى.

وسىناۋ ەل حالقىنىڭ بىرلىگى مەن بەرەكەسىن ۇلىقتاپ، مەملەكەتتىڭ مەرەيىن اسىراتىن مەرەكە كۇنى سىزدەرگە زور دەنساۋلىق، وتباسىلار-ىڭىزعا باق پەن بەرەكە، شاڭىراقتارىڭىزعا شاتتىق تىلەيمىز!

عابيدوللا ابدىراحىموۆ،

شىمكەنت قالاسىنىڭ اكىمى.

نۇرلان بەكنازاروۆ،

شىمكەنت قالالىق ءماسليحاتىنىڭ حاتشىسى

Abai.kz