جۋىق ارادا قالا قوعامدىق كولىك قىزمەتى تولعىمەن ەلەكتروندى بيلەت جۇيەسىنە ەنگىزىلەدى. بۇل تۋرالى شىمكەنت قالاسىنىڭ ءباسپاسوز قىزمەتى حابارلايدى. 

شىمكەنتتە كورەيالىق  «Korea Smart Card» كومپانياسى وكىلدەرىمەن كەزدەسۋ ءوتتى. ناتيجەسىندە وقو اكىمىنىڭ تاپسىرماسىنا سايكەس، قالاداعى قوعامدىق كولىكتەردە ەلەكتروندى بيلەت جۇيەسىن ەنگىزۋ تۋرالى مەموراندۋمعا قول قويىلدى. 
ەندى تاياۋ ارادا جول ءجۇرۋ اقىسىنىڭ تولىعىمەن اۆتوماتتى جۇيەگە ەنگىزىلۋى 100 پايىز ينۆەستورلار ەسەبىنەن جۇزەگە اسىرىلادى. ەلەكتروندىق قوندىرعىلاردى اۆتوبۋستارعا ورناتۋ، ارنايى جول ءجۇرۋ  كارتاسىن شىعارۋدى تولىعىمەن ءوز قاراجاتتارىمەن ورىنداماق. 
قۋانتارلىعى، بۇل قىزمەت ءتۇرى مۇنان بىلاي كولەڭكەلى جولمەن تابىس تاپقىسى كەلەتىن قوعامدىق كولىك كومپانيالارىننىڭ جۇمىسىنا توسقاۋىل قويادى. سونىمەن قاتار جولاۋشىلاردىڭ قالا ىشىندە ەركىن قوزعالۋىنا جاعداي جاسايدى. ياعني، ءبىر كارتا ارقىلى بارلىق اۆتوبۋستا قاتىناۋعا مۇمكىندىك تۋادى. 
«Korea Smart Card» كومپانياسى IT-كونسالتينگ سالاسى جانە اۆتوماتتى  جول ءجۇرۋ بيلەتىن ساتۋ بويىنشا الەمدەگى ەڭ ۇزدىك ينۆەستيتسيالىق ۇيىم بولىپ تابىلادى.  
اتالمىش كومپانيا 2004 جىلدان بەرى 97 ميلليوننان استام ەلەكتروندى كارتانى جۇيەگە ەنگىزگەن. دالىرەك ايتساق، 24 مىڭ اۆتوبەكەتكە جانە 10 مىڭنان اسا مەترونىڭ كىرە بەرىسىنە ەلەكتروندى بيلەت جۇيەسىن ورناتقان. سونىمەن قاتار، كورەيالىق كومپانيا سەۋل قالاسىنىڭ استانالىق مۋنيتسيپاليتەتىنىڭ  36,16% «LG Group» كومپانياسىنىڭ 32,91% اكتسيونەر ەسەبىندە يەلىك ەتەدى. بۇعان دەيىن ەلەكتروندى بيلەت جۇيەسىن مالايزيا، تايلاند، ۆەتنام، رەسەي، جاڭا زەلانديا، كولۋمبيا ەلدەرىندە ءساتتى قولدانىسقا ەنگىزگەن. 
الداعى 10 كۇن ىشىندە كورەيالىق ماماندار شىمكەنتكە كەلىپ، قوعامدىق كولىك سالاسىنا زەرتتەۋ-زەردەلەۋ جۇمىستارىن جۇرگىزەدى. بىرەر اي ىشىندە، قالاداعى قوعامدىق كولىك سالاسى تولىعىمەن ەلەكتروندى بيلەت جۇيەسىنە كوشىرىلەدى. 
ەستەرىڭىزگە سالا كەتەر بولساق، اتالعان جۇيە "اقىلدى قالا" جوباسى اياسىنداعى ماڭىزدى قادامداردىڭ ءبىرى.  شىمكەنتتىڭ 2020 جىلدارعا دەيىنگى دامۋ تۇجىرىمداماسىن تانىستىرۋ بارىسىندا قالا اكىمى عابيدوللا ءابدىراحىموۆ قوعامدىق كولىكتەگى پروبلەمالارعا باسا نازار   اۋدارعاندىعىن ايتقان بولاتىن. سونىمەن قاتار، استانا، الماتى، قىزىلوردا قالالارىنىڭ ۇلگىسىندە كوممۋنالدىق اۆتوپارك اشۋ قاجەت ەكەندگىن جەتكىزگەن ەدى.
ايتا كەتەرلىگى، بۇگىندە  شاھاردا 27 كولىك كومپانياسى 81 باعىتتا 1198  كەستەمەن قىزمەت كورسەتەدى. قوعامدىق كولىكتەردە جول اقى ءتاريفى باسقا قالالارمەن سالىستىرعاندا تومەن.

Abai.kz