ازاتتىق ءتىلشىسىنىڭ حابارلاۋىنشا، ءسارىنجىپوۆ قازىر ساباق وتۋگە بولمايتىن اپاتتى جاعدايداعى مەكتەپتەردە بالالار ءبىلىم جاتقانىن دا ايتتى. ءمينيستردىڭ سوزىنشە، الماتى جانە وڭتۇستىك قازاقستان وبلىستارىندا ءۇش اۋىسىمدى مەكتەپ ماسەلەسىن شەشۋ ءۇشىن 40 مەكتەپ سالۋ قاجەت.

–بىزدە ەكى ماسەلە بار. ءبىرىنشىسى - ءۇش اۋىسىمداعى مەكتەپتەردىڭ ماسەلەسىن شەشۋ. ەكىنشىسى - دەموگرافيالىق احۋال. بيىل ءبىرىنشى سىنىپقا 340 مىڭ بالا باردى. ال بيىل تۋعان بالا سانى 400 مىڭ. ياعني، بالا سانى كوبەيىپ جاتىر. مەكتەپ تاپشىلىعى بولماس ءۇشىن جىل سايىن 10-15 مەكتەپ سالۋىمىز كەرەك،- دەدى ءسارىنجىپوۆ.

مينيستر كەلتىرگەن مالىمەت بويىنشا، قازاقستانداعى مەكتەپ وقۋشىلارىنىڭ جالپى سانى 2 ميلليون 700 مىڭ.

اباي-اقپارات