«نۇر وتان» پارتياسىنىڭ وبلىستىق فيليالى عيماراتىندا وبلىستىق iشكi ساياسات جانە دiن iستەرi باسقارماسىنىڭ قولداۋىمەن جانە «وقو ازاماتتىق اليانسى» قاۋىمداستىعىنىڭ ۇيىمداستىرۋىمەن الەۋمەتتiك يدەيالار مەن جوبالار جارمەڭكەسi ءوتتi, - دەپ جازادى «وڭتۇستiك قازاقستان» گازەتىنىڭ تىلشىسى داۋلەت تۇرسىنۇلى.

بۇل – ۇكiمەتتiك ەمەس ۇيىمدار ءۇشiن بايلانىس پەن بiلiم الاڭى. مۇندا قاتىسۋشىلار ءوزارا تاجiريبە الماسىپ، يدەيالارىمەن ءبولiسiپ، جاڭا سەرiكتەستەر تابۋعا مۇمكiندiك الادى. وسىمەن بەسiنشi مارتە ۇيىمداستىرىلعان جارمەڭكەدە قاتىسۋشىلاردىڭ كاسiبي بiلiكتiلiگi, تيiمدi جوبانى جۇزەگە اسىرۋ مۇمكiندiگi جانە ونىڭ ايماققا اكەلەر پايداسى سىنعا ءتۇستi. جوبالاردى ساراپتاۋعا قازىلار القاسىمەن قاتار باسقارما باسشىلارى، وبلىستىق ءماسليحات دەپۋتاتتارى قاتىستى.

بايقاۋعا قاتىسقان جوبالاردىڭ بiرi – جاسوسپiرiمدەردiڭ دiني ساۋاتتىلىعىن ارتتىرۋعا باعىتتالعان. تولەبيلiك جوبا اۆتورلارىنىڭ ايتۋىنشا، جات اعىمداردىڭ جەتەگiندە كەتكەن جاستاردىڭ بەتiن بۇرۋ تەك تەولوگ مامانداردىڭ عانا قولىنداعى شارۋا ەمەس.

– بiزدiڭ ۇيىم جاستاردىڭ، اسiرەسە، مەكتەپ جاسىنداعى جەتكiنشەكتەردiڭ دiني بiلiمدەرiن كوتەرۋمەن اينالىسادى. تەك ءسوز جۇزiندە ەمەس، زاماناۋي ءادiس-تاسiلدەرگە جۇگiنiپ، ءار جاسپەن جەكە-جەكە جۇمىس جۇرگiزەمiز. جوبا ارقىلى قوعامدى الاڭداتىپ وتىرعان ماسەلەگە قولداۋ كورسەتسەك دەيمiز، – دەيدi «جالىن» جاستار ۇيىمى» قوعامدىق بiرلەستiگiنiڭ توراعاسى قۇرمەت كەرiمبەكوۆ.

گرانت يەلەنگiسi كەلەتiندەردiڭ قاتارىندا قولونەرشiلەر دە بولدى. ايتۋلارىنشا، قولدان جاسالعان بۇيىمدارعا سوڭعى كەزدە ەلiمiزدە عانا ەمەس، شەتەلدە دە سۇرانىس ارتقان.

– جاقىندا دۋباي قالاسىندا وتەتiن حالىقارالىق كورمەگە جۇرگەلi وتىرمىز. وندا قازاقتىڭ اتادان بالاعا جالعاسىپ كەلە جاتقان قولونەر بۇيىمدارىن كورسەتەمiز. شىندىعىن ايتۋ كەرەك، ەلiمiزدە اتاكاسiپتiڭ كەنجەلەپ قالعانى انىق. جاستاردى وسى ونەرگە باۋلىپ، كاسiپتi جانداندىرساق دەگەن نيەتiمiز بار. جەڭiمپاز اتانىپ جاتساق، العان قارجىنى وسى ماقساتقا جۇمساماقپىز، – دەيدi تۇركiستان قالاسىنان قەلگەن «جايىلما» قوعامدىق بiرلەستiگiنiڭ توراعاسى جانبولات سۇيiنباەۆ.

ال، «وقو ازاماتتىق اليانسى» قاۋىمداستىعىنىڭ توراعاسى شارiپبەك جامالبەك قوعامداعى الەۋمەتتiك تۇيتكiلدەرگە بەيجاي قارامايتىن ازاماتتاردىڭ كوبەيiپ كەلە جاتقاندىعىن ايتادى.

– بىلتىر جارمەڭكەگە 12 ۇيىم نيەت بiلدiرسە، بيىل ولاردىڭ قاتارى 17-گە جەتiپ وتىر. جوبالاردىڭ جۇزەگە اسۋى ءۇشiن قاجەتتi قارجى كەلەسi جىلدىڭ بيۋدجەتiنەن قارالادى. ونى اۋداندىق نە وبلىستىق بيۋدجەتكە ەندiرۋگە اتسالىسامىز، – دەيدi قاۋىمداستىق باسشىسى.

سونىمەن «جۇزدەن جۇيرiك، مىڭنان تۇلپار» شىققان شىمكەنتتiك «ينتەللەكت» قوعامدىق بiرلەستiگi بايقاۋ جەڭiمپازى اتانسا، تولەبيلiك «وگەم» جانە «ارىس قالالىق ايەلدەر كەڭەسi» قوعامدىق بiرلەستiكتەرi كەيiنگi ورىنداردى ءوزارا ءبولiستi. بايقاۋ سوڭىندا جەڭiمپازدار مەن قاتىسۋشىلارعا قارجىلاي سىيلىق تاپسىرىلدى.

Abai.kz