"قىزىل سىزىققا" ءوتىپ كەتكەن قۇرىلىس نىسانى يەلەرىنە شارا كورىلەدى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

 شىمكەنت قالاسىنىڭ اۋماعىندا مەملەكەتتىك قۇرىلىس نورمالارى مەن تالاپتارىنىڭ ساقتالماۋ سالدارىنان زاڭسىز جانە زاڭ نورمالارىن بۇزا وتىرىپ سالىنعان قۇرىلىس نىساندارىنا لايىقتى شارا كورىلەدى. قالالىق ىشكى ىستەر ورگانى قىزمەتكەرلەرىمەن بىرگە رەيدتىك شاراعا شىققان شىمكەنت قالاسى اكىمىنىڭ ورىنباسارى نۇرالحان كوشەروۆ وسىلاي مالىمدەدى. 

ارنايى جۇمىس توبى قالانىڭ بايدىبەك بي داڭعىلى بويىندا قۇرىلىس قۇجاتتارى جوق، «قىزىل سىزىققا» ءوتىپ كەتكەن نىسانداردى ارالاپ، تۇرعىندارعا ءتۇسىندىرۋ جۇمىستارىن جۇرگىزدى. بايدىبەك بي كوشەسى بويىندا ورنالاسقان «جاڭالىق» دۇكەنى «قىزىل سىزىققا» ءوتىپ كەتسە، «ەكى جۇلدىز» مەيرامحاناسى ماڭىندا سالىنىپ جاتقان الىپ تويحانانىڭ قۇرىلىس قۇجاتتارى بولماعان. سالا ماماندارى نىساننىڭ يەسىنە ءتۇسىندىرۋ جۇمىستارىن جۇرگىزىپ، ءتيىستى قۇجاتتاردى دايىنداۋدى تاپسىردى. 

وبلىس اكىمى بەيبىت اتامقۇلوۆتىڭ تىكەلەي تاپسىرماسى نەگىزىندە جۇرگىزىلگەن ءىس-شارادا قالالىق ىشكى ىستەر باسقارماسىنىڭ انىقتاۋىمەن وبلىس اۋماعىندا زاڭسىز جانە مەملەكەتتىك قۇرىلىس نورمالارى مەن ەرەجەلەرىنىڭ تالاپتارىن بۇزىپ جۇرگىزىلگەن 196 قۇرىلىس نىسانىنا تەكسەرۋ اكتىلەرى انىقتالىپ، 106-سىنا اكىمشىلىك ءىس قوزعالدى. ونىڭ ىشىندە،  زاڭسىز قۇرىلىس جۇرگىزىلگەن ۇيلەردى بۇزۋ ءۇشىن 30 نىسان سوتقا جولداندى. بۇگىنگى تاڭدا 63 نىسانعا نۇسقامالار بەرىلىپ، ونىڭ ىشىندە 20-سىنا تەكسەرۋ جۇمىستارى جۇرگىزىلۋدە. 

اتاپ ايتار بولساق، ارعىنبەكوۆ كوشەسى بويىنداعى زاڭسىز سالىنعان 25 نىساننىڭ يەلەرىنە ءتۇسىندىرۋ جۇمىستارى جۇرگىزىلىپ، 4 نىساننىڭ يەسى تابىلماعاندىقتان شىمكەنت قالالىق ىشكى ىستەر باسقارماسى «نىسان قوجايىندارىن باسقارماعا 11 قاراشاعا دەيىن جەتكىزىپ بەرۋ» تۋرالى  حات جولدادى. سونىمەن قاتار، بايدىبەك بي داڭعىلىندا ورنالاسقان ءۇش قۇرىلىس نىسانىنىڭ مەنشىك يەسىن 12 قاراشاعا دەيىن باسقارماعا حابارلاسۋىن تالاپ ەتكەن حات ازىرلەندى. 

شىمكەنت قالاسى بويىنشا زاڭ تالاپتارىن بۇزا وتىرىپ سالىنعان 43 نىسانعا اكىمشىلىك ءىس قوزعالىپ 12,1 ملن.تەڭگە ايىپپۇل  سالىندى. سونىمەن قاتار، قوسىمشا 13 زاڭسىز قۇرىلىس نىسانىن بۇزۋ تۋرالى ء ىس سوتقا جولدانىپ، 3 نىساندى بۇزۋعا، 9 نىسانعا ايىپپۇل سالۋ تۋرالى شەشىمدەر شىعىپ، 1 نىسان ءىسى سوتتا قارالۋدا. 
باسقارما تاراپىنان 282 نىساننىڭ ىشىنەن 11 نىسانعا اكىمشىلىك ءىس قوزعالىپ 3,9 ملن.تەڭگە ايىپپۇل سالىندى. 2015 جىلدىڭ 28 قازانىندا وتكىزىلگەن ماجىلىستە 183 نىساننىڭ ىشىندە قۇرىلىس-مونتاج جۇىستارى جۇرگىزىلىپ جاتقان 73 نىسانعا  زاڭ تالاپتارىنا سايكەس شارا كورۋگە تاپسىرما بەرىلىپ، جۇمىستار اتقارىلۋدا. 

Abai.kz