وزبەك بوسقىنى لانكەستىككە كۋاگەر بولعانىن ايتتى
سوڭعى ءتورت جىلدان بەرى پاريجدە تۇرىپ جاتقان 28 جاستاعى وزبەك بوسقىنى تۋرابەك سانو «باتاكلان» كونتسەرت زالىندا بولعان تەراكتىنىڭ كۋاسى بولعان. ونىڭ سوزىنشە، اتىس باستالعان كەزدە، دوسىمەن «باتاكلان» جانىنداعى كافەدە وتىرعان.
ء«بىرىنشى قانداي دا ءبىر ايقاي-شۋ ەستىدىم. بىردەن ءتۇسىنۋ قيىن بولدى. سوسىن تاعى قايتالاندى. سودان كەيىن بارىپ، مۇنىڭ اتىس ەكەنىن تۇسىندىك. كافەدە وتىرعاندار مازاسىزدانىپ، ءبارى قاۋىپسىز جەرگە تىعىلۋعا تىرىستى.
قىزمەت كورسەتۋشىلەر بىردەن كافەدە ويناپ تۇرعان مۋزىكانى ءوشىردى. كەيبىرەۋلەرى ۇستەلدىڭ استىنا كىرىپ كەتتى. ەشكىم ەشنارسەنى تۇسىنبەدى. ءبارىنىڭ كوزدەرىندە ۇرەي بولدى»، -دەدى «وزودليك» (وزبەك قىزمەتى) رەپورتەرىنە بەرگەن سۇحباتىندا تۋرابەك سانو.
«باتاكلان» (Bataclan) كونتسەرتتىك زالى– 13 قاراشادا تەراكتى بولعان جەتى ورىننىڭ ءبىرى. الەمدىك باق-تىڭ حابارلاۋى بويىنشا، ەڭ كوپ قۇربان بولعاندار وسى باتاكلان كونتسەرت زالىندا. كەم دەگەندە ءجۇز ادام مەرت بولعان.
اباي-اقپارات
