«RIXOS Khadisha Shymkent» قوناق ۇيىندە «شىرايلى شىمكەنت-2015» تۋريستىك جارمەڭكەسىنىڭ سالتاناتتى اشىلۋ ءراسىمى ءوتتى. جارمەڭكەنىڭ باستالۋىندا شىمكەنت قالاسىنىڭ اكىمى عابيدوللا ءابدىراحىموۆ ءسوز سويلەپ، تۋريستىك كورمەنىڭ لەنتاسىن قيدى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.  

«RIXOS Khadisha Shymkent» قوناق ۇيىندە «شىرايلى شىمكەنت-2015» تۋريستىك جارمەڭكەسىنىڭ سالتاناتتى اشىلۋ ءراسىمى ءوتتى. جارمەڭكەنىڭ باستالۋىندا شىمكەنت قالاسىنىڭ اكىمى عابيدوللا ءابدىراحىموۆ ءسوز سويلەپ، تۋريستىك كورمەنىڭ لەنتاسىن قيدى.

عابيدوللا ابدىراحىموۆ، شىمكەنت قالاسىنىڭ اكىمى:

- شىمكەنت - جىبەك جولى بويىندا ورنالاسقان ەجەلگى قالا. ەرتەدە مۇندا ءتۇرلى مادەنيەتتەر توعىسقان. بۇگىندە «باتىس ەۋروپا-باتىس قىتاي» كولىك ءدالىزى بىزدەن وتۋدە. ازيا مەن ەۋروپانى جالعاپ جاتقان بۇل قۇرلىقتىق كولىك ءدالىزىنىڭ شىمقالامىز ءۇشىن ەكونوميكالىق پايداسى مول. سوندىقتان، قالامىزدىڭ تۋريستىك الەۋەتىن ارتتىرۋ ءۇشىن ءبىزدىڭ تۋريستىك كاسىپورىندارىمىز باسەكەگە قابىلەتتى بولۋى قاجەت.  

بۇل رەتكى شاراعا شاھارىمىزدىڭ 7 تۋرفيرماسى، 5 قوناق ءۇيى، 36 جەكە قولونەر شەبەرلەرى قاتىستى.  وسى كورمە ارقىلى استانادا وتەتىن «EXPO-2017» حالىقارالىق مامانداندىرىلعان كورمەسىنە ءوڭىرىمىزدىڭ ەڭ ۇزدىك كاسىپورىندارى مەن ونىڭ ساپالى ونىمدەرى تاڭداپ الىنباق. قالامىزدىڭ بەلگىلى كاسىپورىندارى مەن قولونەر شەبەرلەرىنىڭ ونىمدەرىن تانىستىرعان شارانىڭ ماقساتى قالانىڭ ىشكى ءتۋريزمىن دامىتۋ جانە شەتتەن ينۆەستورلار مەن تۋريستەر تارتۋ بولىپ تابىلادى. 

Cونداي-اق وسى اپتادا شىمكەنت بۇۇ-نىڭ دامۋى تۇراقتى قالالار تىزىمىنە ەندى

استاناداعى حالىقارالىق كونفەرەنتسيادا شىمكەنت قالاسىنىڭ  دامۋ تۇراقتىلىعى بويىنشا بۇۇدب-ءنىڭ جاڭا جوباسى ۇسىنىلدى. «Mariotte» قوناق ۇيىندە وتكەن  شارا «تومەن كومىرتەكتى قالالىق دامۋعا كوشۋ: قازاقستان جانە ورتالىق ازيا ءۇشىن جاھاندىق ۇردىستەر جانە پەرسپەكتيۆالار» دەپ اتالدى.

حالىقارالىق كونفەرەنتسيادا ۇزدىك پراكتيكالاردىڭ ۇلگىلەرى قارالىپ،  قازاقستاننىڭ وزگە وڭىرلەرىندە جاقىن ارادا ءىس-شارالار جونىندەگى جوسپارلارى  جاريالاناتىن بولادى.

- الەم بىرلەستىگىنىڭ، ونىڭ  ىشىندە قازاقستاننىڭ دامۋىنىڭ جاڭا تالاپتارىنىڭ ءبىرى ەلدى مەكەندەردىڭ تۇراقتىلىعىن قامتاماسىز ەتۋ بولىپ تابىلادى. اعىمداعى ەكونوميكالىق جاعدايلار شەڭبەرىندە تۇراقتى قالالار بويىنشا جاڭا جوبانىڭ ىسكە اسىرىلۋى وتە ماڭىزدى بولىپ تابىلادى. سەبەبى، ءبىر جاعىنان وسى تۇراقتىلىقتى قامتاماسىز ەتۋ جاھاندىق ەكولوگيالىق تيىمدىلىكتى ساقتايدى. ەندى ءبىر جاعىنان، قالالارداعى ءومىر ساپاسىن جاقسارتاۋعا، اسىرەسە تكش-تاعى قوعامدىق كولىكتەگى جانە قالالىق شارۋاشىلىقتىڭ سالالارىنداعى كورسەتەتىن قىزمەتتەردى كوتەرۋگە مۇمكىندىك بەرەدى، - دەيدى  ەنەرگيا تيىمدىلىگى بويىنشا، بۇۇدب جەق جانە قر ۇكىمەتى جوبالارىنىڭ ۇيلەستىرۋشىسى الەكساندر بەلىي.

وسى ايتىلعان ماسەلەرگە بايلانىستى وڭتۇستىك قازاقستان وبلىسى مەن بۇۇدب اراسىندا بىرىككەن مەموراندۋمعا قول قويىلدى. ايتا كەتەرلىگى، اتالعان جيىندا وبلىس اكىمىنىڭ سەنىم حاتى نەگىزىندە ەكى جاقتى كەلىسىمگە شىمكەنت قالاسىنىڭ اكىمى عابيدوللا ءابدىراحىموۆ قول قويدى.

Abai.kz