شىمكەنت قالالىق جولاۋشىلار كولىگى جانە اۆتوموبيل جولدارى ءبولىمىنىڭ باسشىسى قۋاتجان جۇماتاەۆ بۇقارالىق اقپارات قۇرالدارى وكىلدەرىنە قوعامدىق كولىكتەگى جول ءجۇرۋ اقىسىنا  بايلانىستى بريفينگ بەردى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.  

شىمكەنت قالالىق جولاۋشىلار كولىگى جانە اۆتوموبيل جولدارى ءبولىمىنىڭ باسشىسى قۋاتجان جۇماتاەۆ بۇقارالىق اقپارات قۇرالدارى وكىلدەرىنە قوعامدىق كولىكتەگى جول ءجۇرۋ اقىسىنا  بايلانىستى بريفينگ بەردى.

- 2016 جىلدىڭ قاڭتار ايىندا ارنايى كوميسسيا قۇرىلىپ، قالاداعى 27 جولاۋشى  تاسىمالداۋشى كومپانيانىڭ جولكىرەسىنە بايلانىستى ۇسىنىستارىن تالقىلاپ، ناۋرىز ايىندا قالالىق ءماسليحاتتىڭ ءبىرىنشى شاقىرىلىمىندا ورتاق شەشىم شىعارىلادى. ونان سوڭ، باسپاسوزدە ارنايى حابارلاما بەرىلىپ، زاڭدىق كۇشىنە ەنەدى. ەسكەرە كەتەرلىك ءجايت، ۇلى وتان سوعىسى ارداگەرلەرى، مۇگەدەكتەر، «التىن القا»، «كۇمىس القا»  يەگەرلەرى قوعامدىق كولىكتەردە تەگىن جۇرەتىن بولادى، -دەيدى سالا باسشىسى. 

دەمەك، ەندى 27 جولاۋشى  تاسىمالداۋشى كومپانيانىڭ جولكىرەسىنە بايلانىستى ۇسىنىستارىن تالقىلاپ، ناۋرىز ايىندا قالالىق ءماسليحاتتىڭ ءبىرىنشى شاقىرىلىمىندا ورتاق شەشىم شىعارىلاتىن بولادى. ونان سوڭ، باسپاسوزدە ارنايى حابارلاما بەرىلىپ، زاڭدىق كۇشىنە ەنەدى. ەسكەرە كەتەرلىك ءجايت، ۇلى وتان سوعىسى ارداگەرلەرى، مۇگەدەكتەر، «التىن القا»، «كۇمىس القا»  يەگەرلەرى قوعامدىق كولىكتەردە تەگىن جۇرەتىن بولادى دەگەن ءسوز.

جۋىردا عانا وبلىس اكىمدىگىندە ۇسىنىلعان شىمكەنت قالاسىنىڭ دامۋ تۇجىرىمداماسىندا شاھار باسشىسى عابيدوللا ءابدىراحىموۆ نارىقتىق زاڭدىلىقتارعا ساي جولكىرەسىنىڭ كوتەرىلەتىندىگى تۋرالى مالىمدەگەن بولاتىن. الايدا، قالا اكىمى جاڭا ءتاريفتىڭ كەلەسى جىلدىڭ ەكىنشى جارتىسىندا ەنگىزىلەتىندىگىن جەتكىزدى. ءارى، ستۋدەنتتەردىڭ جاعدايىن ەسكەرە كەلە، ولار ءۇشىن جولكىرە 50 تەڭگەگە تۇراقتاناتىندىعىن ايتتى. سونىمەن قاتار ءۇشىنشى مەگاپوليستىڭ  كوممۋنالدىق ماسەلەسىن ۇنەمى قاداعالاۋعا الىپ وتىراتىندىعىن جەتكىزگەن بولاتىن.  

Abai.kz