«ترانستەلەكوم» اق جانە وڭتۇتىك-قازاقستان وبلىسىنىڭ اكىمدىگى اراسىندا ايماقتا پيلوتتىق سمارت-جوبالاردى ىسكە قوسۋ تۋرالى كەلىسىمگە قول جەتكىزىلدى.  

كەشە، 12 قاراشادا، شىمكەنتتە «ترانستەلەكوم» اق پرەزيدەنتى پشەمباەۆ داۋرەننىڭ وڭتۇستىك-قازاقستان وبلىسىنىڭ اكىمى بەيبىت اتامقۇلوۆپەن جۇمىس كەزدەسۋى ءوتتى، - دەپ حابارلايدى وقو اكىمدىگىنىڭ ءباسپاسوز قىزمەتى.

كەڭەسكە، سونداي-اق، شىمكەنت قالاسىنىڭ اكىمى عابيدوللا ءابدىراحيموۆ، وڭتۇستىك-قازاقستان وبلىسى اكىمدىگىنىڭ جانە «ترانستەلەكوم» اق ۋاكىلدەرى قاتىستى.  كەزدەسۋ بارىسىندا قاتىسۋشىلار «سمارت» تەحنولوگيالاردىڭ دامۋ مۇمكىندىكتەرىن، سونداي-اق ايماقتا بايلانىس كانالدارىن جاڭارتۋدى تالقىلادى.

بەيبىت اتامقۇلوۆ ءوزىنىڭ العى سوزىندە شىمكەنتتە سمارت-تەحنولوگيالاردى ەنگىزۋ بويىنشا جۇمىستار اقىرىنداپ جۇرگىزىلىپ جاتقاندىعىن ايتتى. بۇعان قوسا، ول ايماققا اقپاراتتىق جۇيەلەر مەن تەلەكوممۋنيكاتسيالىق قىزمەتتەردى قۇرۋ بويىنشا كوپ جىلدىق تاجىريبەسى بار ءىرى بايلانىس وپەراتورىن تارتۋ قاجەت ەكەنىن ءتۇسىندىردى.   

«ترانستەلەكوم» اق پرەزيدەنتى پشەمباەۆ داۋرەن، ءوز كەزەگىندە، «بىرنەشە كۇن بۇرىن، 9 قاراشادا، كومپانيا جۇمىسىنا 16 جىل تولعانىن جانە بۇگىنگى كۇنى كومپانيانىڭ ۇلكەن قالالاردى دا، سونىمەن قوسا ەڭ شالعاي ايماقتاردى دا بايلانىستىراتىن تەلەفون بايلانىسىنىڭ ءىرى تارماقتالعان جەلىسى بار ەكەنىن اتاپ ايتتى. كومپانيا ينتەرنەت جەلىسىنە قولجەتىمدىلىك قىزمەتتەرىن جانە ءىرى يننوۆاتسيالىق ات-جوبالاردى ىسكە اسىرادى».

كەزدەسۋ قورىتىندىلارى بويىنشا، تاراپتار شىمكەنت قالاسىندا «Smart مەكتەپ»، «Smart ەمحانا»، «Smart كوشە جارىعى» جانە ت.ب. سياقتى بىرقاتار پيلوتتىق سمارت-جوبالاردى ىسكە قوسۋ تۋرالى كەلىسىمگە قول جەتكىزدى. كەزدەسۋ قاتىسۋشىلارى ايتىپ وتكەندەي، وڭتۇستىك-قازاقستان وبلىسىندا سمارت-باستامالاردى بۇدان ءارى مەملەكەتتىك-جەكەمەنشىك ارىپتەستىك مودەلى بويىنشا اۋقىمداندىرۋ جوسپارلانىپ وتىر.

سپراۆوچنو: «ترانستەلەكوم» اق – قازاقستان رەسپۋبليكاسىنداعى تەلەكوممۋنيكاتسيالىق قىزمەت كورسەتۋلەردىڭ، سونداي-اق اقپاراتتىق كوممۋنيكاتسيالىق قىزمەت كورسەتۋلەردىڭ كەڭ سپەكترىن ۇسىنۋعا مامانداندىرىلعان ءىرى بايلانىس وپەراتورلارىنىڭ ءبىرى. «ترانستەلەكوم» اق 1999 جىلى «قازاقستان تەمىر جولى» ۇلتتىق كومپانياسى» اق-نىڭ ءپروفيلدى ەمەس اكتيۆتەرى يەلىكتەن شىعارىلعاننان كەيىن، ەڭ باستىسى، قولدانىستاعى تەمىرجولدىڭ بايلانىس جۇيەسىن تەحنيكالىق قولداۋ جانە جەتىلدىرۋ ءۇشىن قۇرىلدى. نەگىزگى جوبالارى: بايلانىستىڭ تالشىقتى-وپتيكالىق جەلىسى (بتوج), «ماگيسترال» باسقارۋدىڭ اۆتوماتتاندىرىلعان جۇيەسى («ماگيسترال» باج), بىرىڭعاي انىقتامالىق-اقپاراتتىق ورتالىق (بااو), «تارتىلىستىڭ ەنەرگيا ديسپەتچەرى» باسقارۋدىڭ اۆتوماتتاندىرىلعان جۇيەسى («تەد»  باج).

اباي-اقپارات