وڭتۇستىك قازاقستان وبلىسى اكىمىنىڭ ءبىرىنشى ورىنباسارى د.ساتىبالدى باستاعان ءبىر توپ كاسىپكەرلەر وڭتۇستىك كورەيا مەملەكەتى مەن قىتاي حالىق رەسپۋبليكاسىنا جۇمىس ساپارىمەن بارىپ قايتتى. روۋد-شوۋ ساپارىنىڭ باستى ماقساتى - وڭىرگە قحر مەن وڭتۇستىك كورەيا ينۆەستورلارىن تارتۋ بولىپ تابىلادى دەپ حابارلايدى وقو اكىمىنىڭ ءباسپاسوز قىزمەتى.

قازاقستاننان بارعان دەلەگاتتاردىڭ ىشىندە وڭىردەن بيزنەس-قۇرىلىمداردىڭ جەتەكشىلەرى مەن «شىمكەنت» اكك-نىڭ وكىلدەرى، «وڭتۇستىك» يندۋستريالىق ايماعى باسقارۋشى كومپانياسى» جشس-ءنىڭ باسشىلارى دا بار.وڭتۇستىكقازاقستاندىق دەلەگاتتار، ەڭ الدىمەن، وڭتۇستىك كورەياداعى چحۋنچحون-نامدو جانە كيونگيدو پروۆينتسيالارىنىڭ باسشىلىعىمەن كەزدەستى. وندا وڭىرلىك دەڭگەيدە ءوزارا ءتيىمدى ىنتىماقتاستىق ماسەلەلەرى تالقىلانىپ، وڭتۇستىك كورەيا مەن ءبىزدىڭ وبلىستىڭ كاسىپكەرلەرىنىڭ ينۆەستيتسيالىق جوبالارىن ىسكە اسىرۋعا جاعداي جاساۋ جايى جانە كەنگيدو پروۆينتسياسىندا قۇرىلعان ينۆەستيتسيالىق حابقا وڭتۇستىك قازاقستان وبلىسىنىڭ قاتىسۋى ءسوز بولدى.

ساپار بارىسىندا كاسىپكەرلەر وڭتۇستىك كورەياداعى اگروونەركاسىپ كەشەندەرى مەن ونداعى ءىرى يننوۆاتسيالىق اگروتەحنيكالىق ينستيتۋتتى، ونەركاسىپتىك جىلىجايلار مەن ەۋروپالىق ىسكەرلىك ارىپتەستىك ورتالىعىن جانە «سامسۋنگ» كورپوراتسياسىنىڭ مۇراجايى مەن يننوۆاتسيالىق كەڭسەنى ارالادى.

اتالعان مەملەكەتكە ىسكەرلىك ساپار سوڭىندا ەل استاناسى - سەۋلدە وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرى تانىستىرىلعان فورۋم ءوتىپ، وعان وڭتۇستىك كورەيانىڭ ءتۇرلى ەكونوميكالىق سەكتورلارىندا قىزمەت ەتەتىن 180 كاسىپكەر قاتىستى. ناتيجەسىندە، ەكى ەل اراسىندا 11 مەموراندۋمعا قول قويىلدى.

مۇنان سوڭ، وبلىستىڭ كاسىپكەرلەرى قىتاي حالىق دەموكراتيالىق رەسپۋبليكاسىنا جول تارتتى. وندا دەلەگاتتار سيان قالاسىندا ۇيىمداستىرىلعان قىتايدىڭ اۋىلشارۋشالىعى سالاسىنداعى جاڭا تەحنولوگيالار تاقىرىبىندا وتكىزىلگەن 22-ءشى جارمەڭكەسىنە جانە ارنايى فورۋمعا قاتىستى. وندا ەلىمىزدىڭ اۋىل شارۋاشىلىعى ءمينيسترى ا.مامىتبەكوۆ ءسوز سويلەپ، قازاقستاننىڭ سالا بويىنشا جەتىستىكتەرى مەن جوسپارلارىن باياندادى.

قىتايعا ساپار كەزىندە وبلىس كاسىپكەرلەرى «قازاقستان-قىتاي زاماناۋي اگرارلىق جوبالارى» كونفەرەنتسياسىنا قاتىسىپ، ءوڭىردىڭ اۋىل شارۋاشىلىق جوبالارىنىڭ تانىستىرىلىمىن وتكىزدى. كەزدەسۋ ناتيجەسىندە قحر مەن وقو كاسىپورىندارىنىڭ اراسىندا ەكىجاقتى ءتيىمدى 3 مەموراندۋم ءتۇزىلىپ، بىرلەسىپ جۇمىس ىستەۋگە كەلىسىمدەر جاسالدى.

اباي-اقپارات