مەملەكەتتىك ورگاندار پرەزيدەنتتىڭ وتاندىق ءونىم وندىرۋشىلەردى قولداۋ تۋرالى تاپسىرماسىن ورىنداۋدىڭ ورنىنا زاڭنان مۇنداي تۇسىنىكتى مۇلدەم الىپ تاستادى.

بۇل تۋرالى پارلامەنت ءماجىلىسىنىڭ دەپۋتاتى ازات پەرۋاشەۆ «مەملەكەتتىك ساتىپ الۋ تۋرالى» زاڭناماسىن تالقىلاۋدىڭ ەكىنشى وقىلىمىندا مالىمدەدى.

«اق جول» قدپ زاڭعا وتاندىق ءونىم وندىرۋشىلەر جانە قازاقستاندىق مازمۇن دەگەن ۇعىمدى قالپىنا كەلتىرۋدى ۇسىنادى. بىراق ۇكىمەت پەن جۇمىس توبى قارسى بولىپ، قازاقستاننىڭ دسۇ جانە ەۆرازيا ەكونوميكالىق وداعىنا كىرۋ كەلىسىمشارتىندا بۇل ۇعىمدى الىپ تاستاعان. ياعني، بۇل ءوز ەلىمىزدە مەملەكەتتىك ساتىپ الۋ كەزىندە قازاقستاندىق بيزنەستى قولداۋ جانە ىنتالاندىرۋدان باس تارتۋ دەگەن ءسوز. حالىقارالىق تالاپتاردى ءسوزسىز ورىندايمىز.

ەستەرىڭىزدە بولسا 2012 جىلى 3-قىركۇيەكتە پارلامەنتتىڭ ەكىنشى سەسسياسىنىڭ اشىلۋىندا ۇلت كوشباسشىسى، ەلباسى ن.ءا.نازارباەۆ: «قازىر قازاقستاندىق مازمۇنداردى بارلىق جۇيەدە قولداۋ - اسىرەسە، قايتا وڭدەۋ ونەركاسىبىندە، اۋىلشارۋاشىلىق كەشەنىندە باسەكەگە تومەن سالالاردا وتە ماڭىزدى. بارلىق ەلدەردە ءوز ءوندىرىسىن قولدايدى. بۇل تاجىريبە بىزگە وتە ماڭىزدى.

ۇكىمەتكە «سامرۇق - قازىنامەن» بىرلەسەىپ الەمدىك تاجىريبەنى تالداي وتىرىپ جانە قازاقستاندىق تاۋار وندىرۋشىلەردى قولداۋدىڭ وزىندىك مودەلىن قۇراستىرىپ شىعارۋدى تاپسىرامىن» - دەپ ايتقان بولاتىن. ال ءبىز بۇل تاپسىرمانى قالاي ورىندادىق؟ زاڭ جوباسىنان قازاقستاندىق مازمۇن مەن قازاقستاندىق ءونىم دەگەن ۇعىمدى مۇلدەم سىزىپ تاستادىق، سوندا ەلباسىنىڭ تىكەلەي تاپسىرماسىن ورىنداماعانىمىز با؟ سونىمەن قاتار، ازات پەرۋاشەۆ مەملەكەتتىك ساتىپ الۋ تۋرالى زاڭعا شاعىن جانە ورتا بيزنەسكە جەڭىلدىك جاساۋدى بەكىتۋدى ۇسىندى. ءماجىلىس وتىرىسىنىڭ قورىتىندىسى بويىنشا، ا.پەرۋاشەۆتىڭ 20 – دان استام تۇزەتۋلەرى قابىلداندى، ال داۋىس بەرۋ ناتيجەسىندە 9 تۇزەتۋ قابىلدانبادى. سويتە تۇرا، «اق جولدىڭ» قابىلدانباعان تۇزەتۋلەرىن باسقا فراكتسيانىڭ دەپۋتتارى قاتارىنان 14 ادام قولدادى.

Aباي-اقپارات