10 قاراشا كۇنى قالا باسشىسى ع. ءابدىراحىموۆ وبلىس اكىمى ب. اتامقۇلوۆقا شىمكەنت قالاسىنىڭ 2020 جىلعا دەيىنگى دامۋ كونتسەپتسياسىن ۇسىندى. اتالعان قۇجاتتا شىمكەنت قالاسىنىڭ الەۋمەتتىك-ەكونوميكالىق دامۋ ءجاي-كۇيىنە سالىستىرمالى تالداۋ جاسالىنىپ، نەگىزگى كورسەتكىشتەردىڭ دامۋ ديناميكاسى، وزەكتى ماسەلەلەر جانە قالانىڭ 2020 جىلعا دەيىنگى پەرسپەكتيۆالارى كورسەتىلگەن.دامۋ تۇجىرىمداماسىندا قالا اكىمدىگىنىڭ نەگىزگى ماقساتى، ياعني رەسپۋبليكاداعىۇشىنشى ءىرى قالا مارتەبەسىنە لايىقتى ورىن قامتاماسىز ەتۋ، ونداعى تۇرعىنداردىڭ قولايلى ورتادا ءومىر سۇرۋىنە جانە قورشاعان ورتانى قورعاۋعا باعىتتالعان. جيىنعا قاتىسۋشىلار پرەزەنتاتسيا بارىسىندا شاھارىمىزدىڭ الداعى 5 جىلدا جۇزەگە اساتىن بولاشاق جوسپارمەن تانىستى.

ۇسىنىلعان قۇجات ەلباسىنىڭ قازاقستان حالقىنا جولداۋلارىنداعى باسىم باعىتتارى نەگىزىندە دايىندالدى. بۇل كونتسەپتسيانىڭ تۇپكىلىكتى ماقساتى—شىمكەنت قالاسىن تۇرعىندارعا ىڭعايلى جانە قوناقتارعا تارتىمدى ەتىپ كورسەتەتىنرەسپۋبليكاداعى زاماناۋي مەگوپوليسكە اينالدىرۋ. بۇل جولدا قالا اكىمى ع.ءابدىراحىموۆ مىناداي مىندەتتەردى ورتاعا قويدى.

• قالا تۇرعىندارىن تولعاندىراتىن نەگىزگى ماسەلەلەردى شەشۋ;
• قالا تۇرعىندارى مەن قوناقتارىنا قاجەتتى ينفراقۇرىلىم جۇيەلەرىن جەتىلدىرۋ;
• قالادا بيزنەسكە قولايلى جاعداي جاساۋ، ينۆەستيتسيا كولەمى مەن تۋريستەردىڭ سانىن ارتتىرۋ.

شىمكەنت قالاسىنادەگەنمەملەكەت باسشىسى ن.ءا.نازارباەۆتىڭ ىقىلاسى وزگەشە. ولاي دەيتىنىمىز، ءار رەتكىساپارىندا شىمشاھارعا قاتىستى ناقىل سوزدەر ايتىپ، ءۇشىنشى قالانىڭ ابىروي-بەدەلىن كوتەرىپ كەلەدى. كەزەكتى ءبىر سوزىندە: «شىمكەنت - ساۋلەتتى قالا. تاريحقاتۇنىپ تۇر. استانا، الماتىدان كەيىنگى قازاقستاننىڭ ءۇشىنشى قالاسى - شىمكەنت دەگەندى مەن بۇرىن دا ايتقانمىن. حالقىنىڭ سانى ءبىر ميلليونعا جەتەرلىك قالانىڭ كوركى بۇگىنگىسىنەن دە كوركەم بولادى»، - دەگەن بولاتىن.

شىمكەنت قالاسى جىل وتكەن سايىن كەڭەيىپ، ەلىمىزدىڭ ءىرى ەكونوميكالىق، اگرارلىق قالاسىنا اينالۋدا. بۇل رەتتە شاھار باسشىسى قىزمەتكە كىرىسكەن 3 اي ىشىندە قالاداعى تۇيىتكىلدى ماسەلەلەرمەن تانىسىپ، ونىڭ وڭ شەشىم تابۋىنا ىقپال ەتىپ كەلەدى. سونىمەن قاتار، ع.ءابدىراحىموۆ ءتۇرلى الەۋمەتتىك توپتاردىڭ وكىلدەرىمەن كەزدەسىپ، ءار قايسىسىنىڭ پىكىرلەرىن نازارعا الا وتىرىپ، شىمكەنت قالاسىنىڭ گۇلدەنۋىنە، قارىشتاپ دامۋىنا قاجەتتى ۇسىنىس، تىلەكتەردى ءوز قاداعالۋىنا الىپ كەلەدى. اسىرەسە، جوبا دايىنداۋ بارىسىندا جەرگىلىكتى تۇرعىندار اراسىنداساۋالناما جۇرگىزىلدى. قورىتىندىسى بويىنشا، ساۋالناما قاتىسۋشىلارىنىڭ باسىم بولىگى جۇمىسسىزدىق تۋرالى پىكىرلەرىن ءبىلدىردى. ءبىرى-مەديتسينالىق كومەك كورسەتۋ قىزمەتىنە كوڭىلى تولماسا، تاعى ءبىر بولىگى قالا جولدارىنىڭ ساپاسى سىن كوتەرمەيتىندىگىمەن قاتار، ەكولوگيا ماسەلەسىن، جول قاۋىپسىزدىگىن ەلەمەيتىن جۇرگىزۋشىلەر تۋرالى جانە جاستاردىڭ بوس ۋاقىتىن ءتيىمدى پايدالانۋ سەكىلدى ماسەلەلەر كوتەردى.

جيىندا تۇرعىنداردىڭ تالاپ-تىلەكتەرىنە وراي كوشەلەردى جارىقتاندىرۋ، اباتتاندىرۋ جانە ايالدامالاردىڭ جول جيەگىندە تالاپقا ساي قوندىرىلماعانى تىلگە تيەك ەتىلدى. قازىرگى تاڭدا، شاھاردا كولىك سانىنىڭ كوبەيۋىنە بايلانىستى كەپتەلىس كوپتەپ ورىن الۋدا.

وسى تۇستا، قالانى كوگالداندىرۋ كونتسەپتسياسىندا نازاردان تىس قالدىرۋعا بولمايدى. شىمكەنت تەك قالا تۇرعىندارىنىڭ عانا ەمەس، ينۆەستورلار مەن تۋريستتەردىڭ دە سۇيىكتى قالاسىنا اينالۋى كەرەك. الداعى 5 جىلدا شىمشاھار رەسپۋبليكاعا جاڭاشا قارقىندى دامۋىمەن تانىلادى. سونىڭ ىشىندە بادام وزەنىنىڭ جاعالاۋى شىمكەنتتىكتەردىڭ دەمالىس ايماعىنا اينالادى.

Abai.kz