«قازاقستاننىڭ تۇرعىن ءۇي قۇرىلىس جيناق بانكى» اق «وڭىرلەردى دامىتۋدىڭ 2020 جىلعا دەيىنگى باعدارلاماسى» اياسىندا "حالىقتىڭ بارلىق ساناتىنا ارنالعان تۇرعىن ءۇي" باعىتى بويىنشا قىزىلوردا وبلىسى، قىزىلوردا قالاسى «اراي-2» مولتەك اۋدانىنداعى №1, №2, №3, №4, №5 مەكەن-جايىندا ورنالاسقان تۇرعىن ءۇي كەشەنىنىڭ قۇرىلىسى اياقتالىپ، تۇرعانداردىڭ پايدالانۋىنا بەرىلمەك. بۇل تۋرالى abai.kz پورتالى  «قازاقستاننىڭ تۇرعىن ءۇي قۇرىلىس جيناق بانكى» اق-نىڭ سايتىنا سىلتەمە جاساي وتىرىپ  حابارلايدى. بانك اقپاراتتارىنا سۇيەنسەك، بانك جەلىسى بويىنشا بارلىعى ءىىى سىنىپ جايلىلىقتى 120  پاتەر ۇلەستىرىلەدى.

وسى وبەكتىلەر بويىنشا ەڭ ۇلكەن بالل جيناعان ءوتىنىش بەرۋشىلەردىڭ ءتىزىمى بانكتىڭ ينتەرنەت-رەسۋرسىنداعى «وڭىرلەردى دامىتۋدىڭ 2020 جىلعا دەيىنگى باعدارلاماسى» بولىمىندە ورنالاستىرىلعان.

تۇرعىن ءۇي قۇرىلىس جيناق جۇيەسى ارقىلى تۇرعىن ءۇيدى ساتىپ الۋشىلار مەن جالعا الۋشىلاردىڭ پۋلىن قۇرۋ تارتىبىمەن جانە قۇرىلىس نىسانىنىڭ سۋرەتتەمەسىمەن (سونىڭ ىشىندە عيمارات قاسبەتىن جانە پاتەرلەردىڭ جوسپارلانۋىمەن) ەگجەي-تەگجەيلى بانكتىڭ قىزىلوردا وبلىسى، قىزىلوردا ق.، بايتۇرسىنوۆ ك-ءسى، 122 ءۇي مەكەن-جايىندا ورنالاسقان فيليالىندا، نەمەسە بانكتىڭ www.hcsbk.kz ينتەرنەت-رەسۋرسىندا تانىسۋعا بولادى.

وسىدان بىرنەشە جىل بۇرىن باسپانالى بولساق دەگەن ۇمىتپەن، «قازاقستاننىڭ تۇرعىن ءۇي قۇرىلىس جيناق بانكىنە» سالىمدارىن سالا باستاعان ازاماتتار، قۇداي بۇيىرتسا، ەندى ءبىر قول سوزسا، ارماندارىنا جەتكەلى تۇر.

«بيىل قازاقاستاننىڭ تۇرعىن ءۇي قۇرىلىس جيناق بانكى تۇرعىنداردان پاتەر ساتىپ الۋعا وتىنىشتەر قابىلداي  باستاعان.  باعدارلاما بويىنشا دايىن بولعان تۇرعىن ۇيلەردەن بانك سالىمشىلارىنا ارنالعانى 120 پاتەر بار. بۇل قازىرگى دايىن بولعانى. 

ەلىمىزدىڭ 6 جانە بىرنەشە ايماعىنان ولار وزدەرىنىڭ جيناعىنا قاراي ءارتۇرلى كولەمدەگى پاتەردى ساتىپ الۋ بايگەسىنە قاتىسپاقشى.  دايىن بولعان باسپانالارعا قاتىسۋ ءۇشىن باللدار بانكتەگى جيناعى 3 جىلعا تولعان جانە و باستاعى قاجەت دەگەن سوماسىن تۇگەل جيناقتاعان ازاماتتاردىڭ جينايتىن بالى دا، ارينە، جوعارى بولماق. وسىلاي، بانك ءوزىنىڭ تولەم قابىلەتىن قامتاماسىز ەتە الاتىن ءوتىنىش بەرۋشىلەر سانىن انىقتايدى.

بانك توراعاسى ورىنباسارىنىڭ ايتۋىنشا، اتالعان مەملەكەتتىك باعدارلامانى جۇزەگە اسىرۋدا بانكتىڭ قاتىسۋى تەك ينۆەستيتسيا سالۋمەن شەكتەلىپ قالمايدى. بانك سالىنعان ۇيلەردەگى پاتەرلەردى تاڭداۋعا، سالىمشىلارىنىڭ مۇمكىندىگىنە قاراي باعاسى جاعىنان ىڭعايلى ءارى بۇگىنگى اعىمعا ءتان جاقسارتىلعان پاتەرلەردى جاساتۋعا قاتىسادى. جوبانى بەكىتۋگە اتسالىسادى.

ء «بىز 3-كلاستى پاتەرلەردى ۇسىنامىز. بۇل بيزنەس كلاستىق پاتەرلەر ەمەس دەگەنىمىزبەن، اس ءۇيى، جۋىناتىن جەرى مەن بولمەلەرى قۋىقتاي ەسكى ۇيلەردەگىدەي پاتەرلەر ەمەس. جاقسارتىلعان، ساپالى پاتەرلەر. جالپى، بانكتىڭ سالىمشىلارى ورتاشا تابىسى بار ازاماتتار ەكەنى بەلگىلى. سوندىقتان ءبىز قۇرىلىس كومپانيالارىنا سولاردىڭ مۇمكىندىكتەرىنە قاراي، 50-60 شارشى مەترلى پاتەرلەرگە تاپسىرىس بەرەمىز. ال ەندى قارجىسى مول سالىمشىلار بيزنەس كلاستان الامىز دەسە، ونى تاڭداۋلارى بىلەدى» دەدى  اتالعان بانك توراعاسىنىڭ ورىنباسارى.

قىمباتتىعى جاعىنان استانا ەكىنشى ورىندا. مۇندا شارشى مەتر 112 500 تەڭگە بولسا، باسقا قالالاردا ول 90 مىڭ تەڭگەنى قۇرايدى. پاتەرلەردىڭ ءبارى دايىن، اقتالىپ، سىرلانىپ تاپسىرىلادى. ساتىپ الۋشى كىلت قولىنا تيە سالىسىمەن، دايىن باسپاناعا كوشىپ بارا قويادى.
باعدارلاما بويىنشا بەرىلەتىن باسپاناعا ءبىرىنشى كەزەكتە ءۇش جىلعا مەجەلەنگەن جيناعى تولىق ادامدار عانا قول جەتكىزەتىنىن ايتتىق. ولار سول جيناعان سالىمدارىنىڭ كولەمىندەي بانكتەن نەسيە الادى. نەسيە جىلىنا 5 پايىزدىق. مۇنداي ارزان نەسيەنى باسقا ەشبىر بانك بەرمەيدى. ال ەندى وسى 3 جىل بويى سالىم سالىپ، قاراجاتىن جيناعان ادامداردىڭ بەلگىلى ءبىر سەبەپتەرمەن بەلگىلەنگەن مولشەرگە تولماي قالاتىنى بولسا، ولار جيناعى تولىق سالىمشىلاردان ارتىلعان باسپانالاردى الۋى مۇمكىن. «بىزدە ارالىق نەسيە دەگەن دە بار. ول ەگەر ازامات جەدەل باسپانالى بولعىسى كەلسە، بىراق جيناعان قارجىسى تولماي تۇرسا، 12 پايىزبەن نەسيە الا الادى. بىراق ونداي ادامدار دا، باعدارلاما بويىنشا سالىنعان پاتەرلەرمەن الدىمەن جيناعىن تولىقتارۋدى قامتاماسىز ەتىپ بولعاننان كەيىن عانا ارتىلعاندارىنان  الادى. 12 پايىزبەن نەسيە العاندار شاماسى جەتىپ جاتسا، نەسيەنىڭ باسىم بولىگىن از ۋاقىتتا ءۇستىن-ءۇستىن تولەي الاتىن بولسا، وندا نەسيەنىڭ پايىزدىق مولشەرلەمەسى تومەندەتىلىپ وتىرادى. بۇل بانكتىڭ ادامداردى تۇرعىن ۇيمەن قامتاماسىز ەتۋدە جاساپ وتىرعان شارالارىنىڭ ءبىرى» دەيدى بانكتىڭ الماتى قالالىق فيليالىنىڭ ديرەكتورى المات بولەگەنوۆ مىرزا.

«قازاقستاننىڭ تۇرعىن ءۇي قۇرىلىس جيناق بانكى» تۇرعىنداردىڭ باسپانالى بولۋىنا بىردەن-ءبىر زور مۇمكىندىكتەر جاساپ وتىرعان ۇيىم ەكەنىن جۇرتشىلىق ەندى تۇسىنە باستاعانداي. وعان ونىڭ سالىمشىلارىنىڭ جىلدان-جىلعا ارتىپ وتىرعانى دالەل بولادى. ورتاشا تابىسى بار وتباسى ءۇشىن پاتەر ساتىپ الۋ ارمان عانا. ال بانك وسى ارماندى جۇزەگە اسىرۋعا جول اشۋدا. تەك قۇنتتىلىق تانىتىپ، سالىمشى بولساڭىز، ونى اي سايىن مۇقيات اپارىپ سالىپ تۇراتىن بولساڭىز، باسپانالى بولۋدىڭ اۋىلى جىل سايىن جاقىنداي تۇسەدى. قاراپ وتىرماي ارەكەت جاساماساڭ، تەگىن ءۇيدىڭ اۋىلى الىستاپ كەتكەنىن تۇسىنەتىن كەز جەتتى.

abai.kz