پورشەنكو اعىلشىنشانى ەلدەگى ەكىنشى ءتىل ەتپەك
ۋكراينا پرەزيدەنتى پەتر پوروشەنكو ۋكراين تىلىنەن بولەك، ەكىنشى جۇمىس ءتىلى اعىلشىن ءتىلى بولۋى كەرەك دەپ ۇسىنىس جاسادى.
ول ءبىرىنشى رەت جۇمىس تىلدەرىن ۋكراين جانە اعىلشىنشا دەپ ەنگىزگەن كيەۆ-موگيليان اكادەمياسىنان ۇلگى الۋىمىز كەرەك دەدى. ول مۇنى كيەۆ-موگيليان اكادەمياسىنىڭ 400 جىلدىق مەرەيتويى كەزىندە ايتتى. اكادەميانىڭ بۇگىندە ۇلتتىق ۋنيۆەرسيتەت دەگەن مارتەبەسى بار.
بۇل باستامانى نەگىزىنەن ۋكراينانىڭ رەفورما جونىندەگى ۇلتتىق كەڭەسى قولداعان. ءارى ۋكراينادا ءبىرىنشى كەزەكتە اعىلشىن ءتىلىن جان-جاقتى ۇيرەتۋ ءۇشىن ارنايى تەگىن باعدارلامالار دا اشىلعان.
ۋكراينا پرەزيدەنتى بۇعان دەيىن مەملەكەتتىك قىزمەتتە جۇمىس ىستەۋدىڭ باستى تالابى اعىلشىن ءتىلىن ءبىلۋى شارت دەپ ءارى 2016 جىلدى ۋكراينادا اعىلشىن ءتىلى دەپ جاريالاعان ەدى.
